- «Astana» laıyqty qarsylas. On alty oıyn óz alańynda utylmaı keledi. Biraq biz jaqsy nátıjege qol jetkizýge tyrysamyz. «Astananyń» qorǵaýshylary uzyn boıly, al qaptaldaǵy oıynshylary jyldam.
- Jasandy alań sizderge qanshalyqty kedergi keltiredi?
Shyny kerek, bul bizge azdap qıyndaý bolaıyn dep tur. Aramyzda tipti, jasandy alańda oınamaǵan jigitter de bar. Biraq bul bizge syltaý bolmaýy tıis. Erteńge deıin ýaqytymyz bar. Jasandy alańǵa tezirek beıimdelýimiz kerek.
- Sizderde belorýs Igor Fılıpenko bar. Bizde de belorýs oıynshylary joq emes. Áriptesińiz arqyly «Astana» jaıly suradyńyz ba?
- Ras, suraǵanymdy jasyrmaımyn. Biraq áriptesimniń sózderin sizderge aıtqym kelmeıdi. Bul qupııa bolyp qala bersin.
- «Astanada» qaı oıynshyny myqty dep esepteısiz?
- Negizi «Astana» komanda retinde myqty. Bizge shabýyl shebinde oınaıtyn oıynshylardan qaýip kútý kerek.
- Bir jyl buryn «Makkabı» «Qaıratqa» qarsy oınady. Bul oıynnan keıin qandaı áserde qaldyńyzdar?
- Men ol kezde komandada oınaǵan emespin. Biraq áriptesterimnen suraǵanda óte aýyr bolǵanyn aıtty.
Aıan ÁBDÝÁLI,
«Egemen Qazaqstan»
