Ər zaıyrly memlekettiń damýy halqynyń ómir súrý deńgeıine baılanysty saralanady. Bul oraıda elimiz áleýmettik mindetin aıqyndaǵan jumystar júrgizip keledi. Máselen, Astana qalasy ákimdiginiń qaýlysymen qurylǵan «Áleýmettik qyzmet kórsetý ortalyǵy» MKQK byltyrǵy 1 sáýirden bastap jeke memlekettik mekeme retinde qyzmetin júıeli atqarýda. Əleýmettik qyzmet kórsetý ortalyǵynyń quramyndaǵy 10 bólimsheniń beseýi taǵdyry qıyn jaǵdaıǵa dýshar bolǵan jandarǵa (jalǵyzbasty qarttar men múgedekterge) barynsha jaǵdaı jasaý baǵytynda jumys isteıdi.
Bólimsheler tirkeýdegi 400 qyzmet alýshyǵa arqa súıer demeýshi bolyp, keıbiri otbasynyń bir múshesindeı dárejege jetse, endi bir qyzmet alýshylar qalaýy boıynsha ortalyq mamandarynyń kómegimen gıdro jáne fızıo em-sharalaryn, massaj, emdik dene shynyqtyrý sııaqty kóptegen ońaltý sharalaryn qabyldap, dertine shıpa tabýda.
Ortalyqtyń əleýmettik qyzmetkerleri qyzmet alýshylardyń ərqaısysymen jekeleı qarym-qatynas ornatyp, olardyń talap-tilekterin tyńdap, meılinshe tolyqqandy ómir súrý saltyn jeńildetýge kúsh salýda. Olardyń ishinde jalǵyzbasty zeınetkerler, soǵys ardagerleri, soǵys ardagerleriniń jesirleri, tyl eńbekkerleri men tyń jáne tyńaıǵan jerlerdi ıgerýge atsalysqan qarttar da bar. Osyndaı taǵdyrlary toǵysqan qarttardyń qulazyǵan kóńil kúıin jadyratyp, maǵynaǵa toltyrý maqsatynda Áleýmettik qyzmet kórsetý ortalyǵy mádenı sharalar uıymdastyrýǵa da asa mán beredi. Mysaly, qalalyq saıabaqtar, murajaılar jáne qalanyń kórikti jerlerine, qaladan tys Býrabaı demalys aýmaǵyna saıahattar, merekelerge oraı uıymdastyrylatyn konsertter, sırk jáne taǵy sol tárizdi sharalar ortalyq saltyna aınalyp otyr. Ataýly merekeler – Naýryz meıramy, Astana kúni, Jeńis kúni, Qarttar kúni, Jańa jyl qarsańynda jáne EKSPO-2017 kórmesi aıasynda ár qyzmet alýshynyń merekeni sezinýi úshin iltıpatpen jeke syılyqtar tabystady.
El bolyp eńse túzegennen beri elimizde qanshama ret álemdik deńgeıdegi sharalar ótti. Osy jyldardaǵy EKSPO-2017 sııaqty halyqaralyq kórmege Astana qalasy boıynsha Áleýmettik qyzmet kórsetý ortalyǵynyń qyzmet alýshylary da qatysyp, tańǵajaıyp kórmeniń kóńildi kórermenderiniń birine aınaldy. Sonymen qatar ortalyqta qyzmet alýshylardan quralǵan «Nostalgııa» vokaldyq toby jumys atqarýda. Toptyń kórkemdik jetekshisi – Jeken Teberekov. О́nerpazdarymyz qala deńgeıinde ótip jatqan mádenı is-sharalarǵa belsene atsalysady.
Áleýmettik qyzmet kórsetý ortalyǵynyń Qazaqstan boıynsha synamaly joba retinde ashylǵan alǵashqy mekeme ekenin eskerer bolsaq, osyndaı júgi aýyr kóshti bastap júrgen Rysty Jaǵyparqyzy men «áleýmettik qyzmetker» ataǵyn abyroımen alyp júrgen, óz jumysyna shyn yqylaspen kirisetin áleýmettik qyzmetkerlerdiń eńbegin erekshe atap ótýge bolady. Olar úshin ózgeniń problemasy degen túsinik joq, qınalǵan adam kórse qolushyn sozyp, kóp saralap jatpaı qolynan kelgen kómegin kórsetedi. Áleýmettik qyzmetkerlerdiń osy salada turaqtap qalýy da osy qasıetterinde. Jalaqysy mardymsyz bola tura, qyzmet alýshynyń babyn tabý maqsatynda qaltqysyz qyzmet etý dene kúshimen birge psıhologııalyq tabandylyqty da qajet etedi. Bul jerde adamnyń dini, násili, ulty, jasy, bilim deńgeıi nemese qoǵamdaǵy mártebesi mańyzdy emes. Tek qana keń júrekti, adamı beınesi aıqyn, ózinen góri ózgelerge bolsyn deıtin adamnyń ǵana qolynan keleri anyq. Aınalamyzda osyndaı meıirimdi adamdardyń kóp bolǵany qandaı ǵanıbet!
Aınur DILDEBAEVA,
I jáne II toptaǵy múgedekterge,
egde jasyna baılanysty
ózine qyzmet kórsetýge
múmkindigi joq adamdarǵa
áleýmettik kómek kórsetetin
№1 bólimsheniń meńgerýshisi
ASTANA
