Premer-Mınıstrdiń orynbasary A.Jumaǵalıev «Skolkovo» tehnoparkinde ınnovasııalyq damýdyń «Ashyq ınnovasııalar-2017» VI Máskeý halyqaralyq forýmyna qatysty.Bıylǵy forýmnyń basty taqyryby – sıfrly ekonomıka. Álemniń 90 elinen jınalǵan 18 myńnan astam qatysýshy sıfrly ekonomıka men álemdik aqparattandyrýǵa qatysty ǵalamdyq úrdisterdiń transformasııalanýyn talqylaýda.
Forým aıasynda «Skolkovo» tehnoparkiniń bazasynda «Innovasııalyq tehnologııalar parki» (ITP) Avtonomdy klasterlik qor ókildiginiń ashylýy ótti.
«Skolkovodaǵy» «ITP» ókildiginiń ashylýy ótken aptada Sochıde uıymdastyrylǵan Joǵary Eýrazııalyq ekonomıkalyq keńes otyrysynyń qorytyndysy boıynsha memleket basshylary arasyndaǵy kelisim úrdisindegi EAEO elderiniń sıfrly ekonomıkasyn sáıkestendirýge jasaǵan qarymdy qadamdardyń biri boldy.
Qazirgi tańda biz Elbasynyń tapsyrmasy boıynsha adamı kapıtaldy jáne proaktıvti memleketti damytý, sıfrly ınfraqurylymdy jasaý jáne ekonomıkanyń barlyq salasyn sıfrlandyrý máselesin qamtıtyn «Sıfrly Qazaqstan» baǵdarlamasyn jetildirýmen aınalysyp jatyrmyz. Bul baǵdarlamada ekojúıeni damytý men ónerkásip mekemelerin sıfrlandyrý sııaqty mańyzdy elementter bolady. Baǵdarlama jýyrda pysyqtalyp jetildiriledi», dedi Premer-Mınıstrdiń orynbasary A.Jumaǵalıev.
Qazaqstan vıse-premeri issapar barysynda Reseı Federasııasynyń úkimeti tóraǵasynyń orynbasary A.Dvorkovıchpen kezdesti. Taraptar ınnovasııalyq seriktestikti nyǵaıtý qajet ekendigin aıtyp, naqty baǵyttardy talqylady.
