«Barlyq qıyndyqtar men táýekelderdi saraptaı kele, meniń prızdenttik saılaýǵa qatysý týraly sheshimim elimizge qajet ózgerister ákeledi degen oıdamyn», - dep málimdedi Sobchak jazǵan hatynda.
Prezıdenttikke úmitkerdiń aıtýynsha, ol saılaýǵa «bárine qarsy kandıdat» retinde qatysady.
«Siz kóptegen jyldar boıy tizimde tek Zıýganov, Iаvlınskıı, Pýtın jáne olardyń orynbasarlary bolǵanyna qarsysyz ba? Belsendi pozısııańyzdy kórsetkińiz kelip, alaıda tańdaǵan kandıdatyńyz tizimge kirmeı qaldy ma? Nemese úmitkerlerdiń ishinen eshkimdi unatpadyńyz ba? Olaı bolsa, Sobchakty tańdańyz. Siz ony prezıdentikke saılamaısyz. Siz «Bári de jeter! Sharshadym!» dep aıtýǵa zańdy jáne beıbit múmkindik alasyz», dep túsindirdi ol.
Sonymen qatar, Ksenııa Sobchak jaqyn arada jeke shtabynyń ashylatyndyǵyn málimdep, demokratııalyq toptardan kómek surady.
Esterińizge sala keteıik, Reseı Prezıdentiniń saılaýy 2018 jylǵy 18 naýryzda ótý kerek. RF Konstıtýsııasyna sáıkes Prezıdent 6 jylǵa saılanady.
