Osyǵan deıin NFL oıynshylary ulttyq ánuran oryndalǵanda oryndarynan turýdan bas tartyp, tizerlep otyrǵan bolatyn. Olar osy arqyly násilshildikke qarsy ekenderin jetkizdi.
Al Tramp óz kezeginde NFL basshylyǵyna mundaı áreketke barǵan oıynshylarǵa dıskvalıfıkasııa berýdi talap etti. Sonymen qatar, ol óziniń vıse-prezıdenti Maık Penske ózi barǵan oıynda mundaı jaǵdaı qaıtalanar bolsa, stadıonnan ketýdi talap etti.
Al NFL basshysy Rodjer Gýdell qandaı jaǵdaı bolmasyn óz oıynshylaryn májbúrlemeıtinin málimdedi. Ol oıynshylarǵa memlekettik ánuranǵa qurmetpen qaraýǵa shaqyratynyn, biraq jazalamaıtynyn alǵa tartty. Rodjer Gýdell osy arqyly saıasatqa aralasqysy kelmeıtinin, bar oıyn tek fýtbolǵa arnaıtynyn jetkizdi.
«NFL ulttyq ánuranymyz oryndalǵanda fýtbolshylardy oryndarynan turýǵa májbúrlemeıtinin habarlady. Bul uly memleketimizdi syılamaıtyndyǵynyń belgisi», – dep jazdy Tramp Twitter paraqshasynda.
Aıan ÁBDÝÁLI,
«Egemen Qazaqstan»
