Aımaq basshysy Danıal Ahmetov jumys sapary barysynda «Baqyrshyq taý-ken óndirý kásiporny» JShS at basyn buryp, keshende júrip jatqan qurylys-montajdaý jumystarymen tanysty. Jańa ataýyn alǵan «Qyzyl» jobasy atalmysh aımaqta aýqymdy geologııalyq barlaý jumystaryn júrgizýge baǵyttalǵan.
Keler jyly ınvestor – reseılik «Polımetall» kompanııasy alǵashqy kendi ıgerip, jańa baıytý fabrıkasyn iske qospaq. Josparǵa saı, munda 2 mıllıonǵa jýyq kendi flotasııalyq baıytý ádisi boıynsha óńdeıdi. Al 2019 jyly tolyq iske qosylyp, qýaty artqan soń, 10 tonnadan asa altyn konsentratyn shyǵarady.
Atap ótý kerek, baqyrshyqtyń altyny morfologııalyq quramyna qaraı qanshalyqty erekshe bolsa, sonshalyqty kúrdeli. Sondyqtan, reseılik ınvestorlar usynǵan tehnologııa burynǵysynan tıimdi.
– Bıylǵy ınvestısııalyq kapıtal 51 mlrd teńgeni quraıdy, byltyr 29 mlrd bolǵan. Kompanııa qoldanyp otyrǵan jańa tehnologııanyń arqasynda keler jyldyń birinshi jartysynda nysan iske qosylyp, jumysyn bastaıdy degen senim zor. Aıta keterligi, kompanııanyń áleýmettik jobalardy júzege asyrýǵa belsene qatysady. Máselen, О́skemendegi birqatar aýrýhananyń, atap aıtqanda, terapııalyq keshenniń qurylysy, «Nurly» jol saıabaǵy sııaqty aýyz toltyryp aıtarlyq jumystarǵa etene atsalysyp jatyr, – dedi Danıal Ahmetov.
«Baqyrshyq taý-ken óndirý kásiporny» JShS áleýmettik mańyzdy jobalardy júzege asyrý maqsatynda jalpy sany 1 mlrd 74 mln teńge ınvestısııa quıdy. Sonyń arqasynda, Áýezov kentindegi 20 jyl boıy bos turǵan balabaqsha ǵımaraty, sondaı-aq, dárigerlik ambýlatorııa men sport zaly kúrdeli jóndeýden ótkizilip, qoldanysqa berildi. Aldaǵy tańda aýyldaǵy orta mektep te jóndeýden ótedi. Ol úshin ShQO ákimi jergilikti bıýdjetten 300 mln teńge bólinetinin jetkizdi.
