Kóp keshikpeı oblys ortalyǵynda «Rýhanı jańǵyrý» aıasyndaǵy is-sharalardy júzege asyratyn jumys toby qurylyp, joba keńsesi ashyldy. Oblystyq ishki saıasat basqarmasynyń basshysy Jasulan Bısembıev búginge deıin 106 joba jospary bekitilgenin, onyń 34-i júzege asqanyn aıtady. Osy maqsatqa bıyl 1,6 mlrd teńge bólingen. Onyń 1,088 mlrd teńgesi jergilikti kásipkerlerdiń demeýshilik qarajaty.
Baǵdarlamanyń qaı baǵyty bolsyn, eldiń rýhanı áleýetin kóterýge, ulttyq qundylyqtardy, jalpy izgilikti nasıhattaýǵa arnalǵan. Atyraý oblysynda «Týǵan jer», «Qazaqstannyń kıeli jerler geografııasy», «Álemdegi Qazaqstan mádenıeti», «100 jańa esim», «100 jańa oqýlyq», «Latyn álippesine kóshý» baǵyttarynyń aıasynda kishi baǵdarlamalar qabyldandy. «Atameken», «Rýhanı qazyna», «Tárbıe jáne bilim», «Aqparat tolqyny» jobalary alǵashqy nátıjelerin berip úlgerdi. «Baǵdarlama qaralǵan sátte ıgi isterge jergilikti kásipkerlerdi tartýǵa, sonyń nátıjesinde óńirden shyqqan bıznes ıelerin týǵan jerdiń nysandaryn abattandyrý, jalpy kórkeıtý jumystaryna jumyldyrýǵa basymdyq berildi», deıdi J.Bısembıev.
«Atameken» kishi baǵdarlamasy «Áleýmettik bastamalar kartasy» jáne «Jomart júrek» bólimderine saı júzege asýda. Týǵan jerge degen perzenttik paryzdy asqaq azamattyqpen ushtastyryp júrgen atyraýlyq bıznes ıeleri bul bastamadan tartynyp qalmady. Mysaly, Jylyoı aýdanynyń Qulsary qalasynda kásipker Maǵaýııa Merǵalıev «Anashym» balabaqshasyn salyp, ony memlekettiń qaraýyna ótkizdi. «Jomart Júrek» bazalyq jobasynyń aıasynda kásipker, qalalyq máslıhattyń depýtaty Amanjol Qonysov Nursaıa shaǵyn aýdanynda eki birdeı sporttyq oıyn alańyn salyp, memleket qaramaǵyna bergen. Mesenattar kómegimen «Jańǵyryq» atty derekti fılm túsirilip jatyr. Belgili kásipker Ibragım Aqdrashevtiń qoldaýymen Maqat aýdanyndaǵy Jeńis saıabaǵynyń qurylysy bastaldy. Qýanyshtysy sol, bul tizimdi ári qaraı da jalǵastyra berýge bolady. Bul – bıznestiń áleýmettik jaýapkershiligi Atyraý oblysynda joǵary deńgeıde ekeniniń aıqyn kórinisi.
«Rýhanı jańǵyrý» baǵdarlamasy boıynsha Saraıshyq qalashyǵy men halyq batyrlary Isataı men Mahambet jóninde mýltıplıkasııaly fılm túsirý jumystary qolǵa alynýda. Aldaǵy jyldary oblys ortalyǵynda belgili kúıshi Qarshyǵa Ahmedıarov pen Qazaqstannyń halyq jazýshysy Hamıt Erǵalıevtiń eskertkishteri boı kóteredi.
– «Qazaqstannyń kıeli jerleriniń geografııasyna» Atyraý aımaǵynda ornalasqan 13 nysan usynylyp, bes tarıhı oryn, ıaǵnı ortaǵasyrlyq Saraıshyq qalashyǵy, Aqmeshit qorymy, Ushqan ata jáne Mahambet О́temisuly men Murat Móńkeulynyń keseneleri jalpy tizimge endi, – deıdi basqarma basshysy. – «Qazaqstannyń kıeli jerleriniń geografııasy» aıasynda «Qasıetti Qazaqstan» jobasy boıynsha 2018 jyly Atyraý oblysynyń tarıhı jáne mádenı eskertkishteriniń jınaǵyn daıyndaý jáne baspadan shyǵarý, oblystyq tarıhı-ólketaný mýzeıinde ınteraktıvtik onlaın-mýzeı uıymdastyrý, Atyraý oblysynyń kıeli jerleriniń kartasyn daıyndap, shyǵarý josparlanýda. Keler jyly Astrahan qalasyndaǵy V.Dogadın atyndaǵy kórkemsýret galereıasynda oqıtyn jastar arasynda «Mır bez granıs» atty baıqaý ótkizý de josparda tur.
Jaqynda Atyraýda respýblıkalyq «Asar» úshjaqty áriptestik forýmy ótedi. Bul aýqymdy shara aıasynda memleket, bıznes ókilderi jáne úkimettik emes uıymdar birlesip júzege asyratyn áleýmettik jobalar qaralady. Úkimettik emes uıymdardyń jobalaryn tek memleket esebinen ǵana emes, kásipkerlerdiń qoldaýymen turaqty júzege asýyna jaǵdaı jasaýdy maqsat etken forýmda memorandýmdarǵa qol qoıylady.
«Otanym – taǵdyrym» bazalyq jobasynyń aıasynda da birqatar jumystar atqaryldy. Atyraý oblysynan EKSPO-2017 halyqaralyq kórmesine 13 000 oqýshy jáne stýdent, 1206 oqytýshy, 118 medısına qyzmetkeri qatysty. Bul – respýblıka boıynsha joǵary kórsetkish ekenin maqtanyshpen aıtýǵa bolady. Búginde munaıly ólke ónerdiń óreli ordasyna aınalǵan. Respýblıka kólemindegi orkestrler konserti, teatrlar qoıylymdary, aıtys, ulttyq sport oıyndarynan jarystar da Elbasynyń «Rýhanı jańǵyrý» baǵdarlamasy aıasynda ótip, kórermen qoshemetine ıe boldy.
Baǵdarlama jobalaryn júzege asyrý maqsatynda oblys ákimi Nurlan Noǵaev munaı kompanııalaryn, kásipkerlerdi yntalandyrý úshin birneshe ret resmı jıyndar ótkizdi. TShO kompanııasynyń qoldaýymen qala kúnine oraı ashylǵan áleýmettik nysandardyń biri retinde Jaıyq jaǵasynan oryn tapqan Retro-saıabaqty atap ótýge bolady. Jetim balalarǵa arnalǵan turǵyn úıler salyp, qaıtarymsyz berý jóninde birqatar kásipkerlermen júrgizilgen jumystar da nátıjesiz qalmas degen senimdemiz. Bul atalǵan jumystar atqarylǵan sharalardyń bir parasy ǵana.
Elbasynyń saıasatyn júzege asyrý úshin óńir basshylyǵynan bastap buqara halyqqa deıin rýhanı jańǵyrý jumystaryn qoldap, osy istiń basy-qasynan tabylýy – eldiktiń nyshany. Bul rette atyraýlyqtardyń abyroıy bıik bolary sózsiz.
Baqytgúl BABASh,
«Egemen Qazaqstan»
ATYRAÝ
