Sýretti túsirgen: avtor
Bul kúnderi seriktestikte 370 adam eńbek etedi, olar jalaqylaryn ýaqtyly alyp turady.
– Shyǵysty erekshe unattym. Bul jaqtyń adamdary qarapaıym, qonaqjaı eken, meni jatsynbaı, baýyrlaryna tartty. Ol kezde saýda-sattyqtyń qyzǵan shaǵy. Kókónis sattyq, kásipkerlikti ıgere bastadyq. Sol kezdegi aýdan ákimi Marat Ákramov meni qabyldap, ábden tozyǵy jetken burynǵy nan zaýytynyń eski ǵımaratyn berdi, ony jóndep, qatarǵa qostyq. 15 mıllıon teńge nesıe alyp, jańa jabdyqtardy óndiriske engizdik. Biz óndiretin ónimderdiń sapasy joǵary, baǵasy qymbat emes, sondyqtan О́skemenniń 820 saýda dúkenderinen tátti taǵamdarǵa, torttarǵa tapsyrys túsedi. Ekologııalyq jaǵynan taza, eshqandaı konservanttar qosylmaǵan taǵamdarymyz ótken jyly oblystyq baıqaýda birinshi oryndy jeńip aldy, deıdi J.Tastanbekov.
Mal soıatyn qasaphanada aýdannyń barlyq sharýa qojalyqtarynyń iri qarasy soıylyp, saýda oryndaryna jóneltiledi. Jıhaz sehynda neshe túrli buıymdar jasalady, sapasyna turǵyndar rıza. Tátti taǵamdar sehyna engenimizde bir top qyz-kelinshekti jolyqtyrdyq. Olar aýysymyna júzdegen dana tort, kondıter taǵamdaryn jasaıdy eken. Al kirpish shyǵaratyn sehqa engenimizde, on shaqty jumysshyny jolyqtyrdyq. Shlaktan, qum men sement qosylyp jasalǵan kirpishke de suranys erekshe kórinedi.
– «Shahan-Ata» degen ataý neni bildiredi? dep suradyq biz.
– Babamyz Shahan-Ata 102 jasynda Ordabasydaǵy jońǵarmen qazaqtar qaqtyǵysyp qalǵanda qolyna naıza alyp, jaýlarymen shaıqasqan. Ol kisi áýlıe bolǵan, adamdardy emdep jiberetin qasıeti taǵy bar. Qazaq eliniń táýelsizdik alýyn armandaǵan atamyzdyń rýhy barlyq qazaqtardy qorǵap-qorshap júrsin degen nıetpen kásiporynǵa atamyzdyń atyn berdik. Maqsat aıqyn, qazir bizde eńbek etetin 370 adam bir myńǵa jýyq adamdy asyrap otyr, deıdi Jańabaı Tastanbekov.
Júregi jomart, jany taza azamat qaıyrymdylyq sharalaryna belsendilikpen aralasady. Elimizdiń bas gazeti «Egemen Qazaqstandy» uzaq jyldan ózine serik etken. Ońtústiktegi aǵaıyndar jaıly oqyǵan kezde tóbem kókke sál ǵana jetpeı qalady, deıdi rýhanı jaǵynan kemeldengen azamat. Jákeń kezinde oblystyq «Dıdar» gazetinde qyzmet etken Zeınelǵabıden Qalıevpen jaqsy aralasqan eken. Ardager jýrnalıst qaza tapqan soń ol kisiniń zıratyn turǵyzyp beripti. Mádenıet, sport salasyndaǵy azamattarǵa da san márte demeýshilik jasaǵan azamatty Glýbokoe aýdanynyń turǵyndary erekshe qurmetteıdi.
– Bir ózi bir kombınat! Shirkin, Jańabaıdaı isker, kásipkerliktiń uńǵyl-shuńǵylyn tereń meńgergen azamattar kóp bolsa, alynbaıtyn qıyndyq bolmas edi, óńirimiz ósip-órkendeı berer edi, deıdi aýdan ákimi Qalıhan Baıǵonysov.
Ońdasyn ELÝBAI
Shyǵys Qazaqstan oblysy, Glýbokoe aýdany
