Elimizde júk tasymalyna otandyq vagondar tartylady

«Mınıstrlik temir jol kóligimen kómir jáne astyq, sondaı-aq ózge de áleýmettik mańyzy bar júkter tasymalyna aıryqsha nazar aýdarýda. Búginde ashyq vagondar parki 50 myńǵa jýyqtady. Bıylǵy mamyrdan bastap jylý berý maýsymyna daıyndyq aıasynda 31 mln tonnadan astam kómir tasymaldandy, bul óz kezeginde josparly kólemniń 98 paıy­zy», deıdi komıtet ókili. Onyń sózine qaraǵanda, as­tyq tasymaldaý sharalary qyzý júrip jatqan kezeńde jyljymaly quramnyń je­tispeýi baıqalýy múmkin.

Búginde astyqty tasy­maldaýǵa shamamen 10 myń vagon jumyldyrylǵan. Olar aıyna 1 mln tonna astyq tasymaldaýdy qam­tamasyz etedi. Qazirgi kezde Aýyl sharýashylyǵy mınıstrligimen birlese astyq tasymaldaıtyn vagondardyń sanyn arttyrý má­selesi pysyqtalýda. Osy oraıda jyl sońyna deıin astyq tasymaly kólemin art­tyrý kózdelgen. «Bul tur­ǵyda qosymsha 1 myń vagondy Reseıden jetkizbek oıdamyz. 2017 jyldyń 9 aıynda shamamen 5,5 mln tonna astyq tasymaldan­dy, onyń ishinde 3,6 mln tonna eksportqa shyǵa­ryldy. Qazan aıyna qaras­tyrylǵan astyq tıeý kóle­mi 850 myń tonnany qurap, sonyń 600 myń tonnasy eksportqa tıesili. Qarasha-jeltoqsanda tasymaldanatyn astyq 1 mln tonnaǵa deıin jetedi, onyń ishinde 650 myń tonnasy eksportqa baǵyttalady», dedi D.Potlov.

Komıtet tóraǵasynyń orynbasary júk tasymalyna otandyq jańa vagondar tartylyp jatqanyn áńgimeledi. Byltyrǵy qazan aıynan vagondardy satyp alý stavkasyn ishinara sýbsıdııalaý esebinen kómir men ken tasymaldaý úshin 1300 ashyq vagon jáne tran­zıttik konteınerlik tasymaldar úshin 3 103 vagon shyǵarý jóninde sharttar bekitilgen eken. Bul maqsatqa shamamen 70 mlrd teńge ınvestısııa tartylǵan. «Satyp alynatyn vagondar otandyq ká­sip­oryndarda shyǵa­ry­lady. Jalpy, bul ba­ǵyttaǵy sharalar temir jol mashına jasaý salasyndaǵy 7 myń jumys orny bar 39 otandyq kom­panııany jumyl­dyrýǵa jol ashty», dedi vedomstvo ókili.

Basqosýda belgili bol­ǵandaı, bıyl «Tulpar-Tal­go» vagondarynyń 62 bir­ligin satyp alý jáne ke­lesi jyly Astana – Lenınogor 375/376 poıyzy quramyn jańartý josparlanýda. Jalpy alǵanda «Jo­laý­shylar tasymaly» AQ jyl saıyn «Tulpar-Tal­go» vagondarynyń shamamen 50 birligin satyp almaq. Jeke tasymaldaýshylar mı­nıs­trlik aldyndaǵy shart­tyq min­dettemeleri aıasynda bı­yl 16 mlrd teńge ınvestısııa tartsa, jolaýshylar ta­symaldaýǵa arnalǵan 52 vagon satyp alǵan. Ol vagondar 43/44 Qos­tanaı – Almaty, 327/328 Qos­tanaı – Qaraǵandy, 621/622 Qos­tanaı – Arqalyq jáne 307/308 Jezqazǵan – Astana poıyz­darynyń eski vagondaryn almastyrady.

Ashat RAIQUL,
«Egemen Qazaqstan»