Vladımır Bojko Nursultan Nazarbaevqa latyn álipbıine qatysty hat jazdy

Qurmetti Nursultan Ábishuly! «Qazaqstannyń orys, slavıan jáne kazak uıymdarynyń qaýymdastyǵy» zańdy tulǵalar birlestigi respýblıkalyq keńe­siniń 2017 jylǵy 26 qyrkúıekte ótken otyrysynda etnomádenı birlesý, qazaq tiliniń latyn álippesine kóshý máseleleri tal­qylandy.

Bul úderis eshbir etnomádenı birlestikti beı-jaı qaldyrǵan joq. Biz alda turǵan mindettiń qıyndyǵyn, erik-jigerdiń, shy­damnyń qajettigin, elde turaqty jáne senimdi qoǵamdyq, áleý­­mettik jáne saıası ahýal qalyp­tastyrýdyń mańyzdylyǵyn jaq­sy túsinemiz.

Nursultan Ábishuly, «Qazaq­standaǵy orys, slavıan jáne kazak uıymdarynyń qaýymdastyǵy» ádettegideı bizdiń qoǵamda beı­bitshilik pen kelisim ornatý barysynda sizge tolyq qoldaý kórsetetinine senimdi bolyńyz. Sizdiń latynǵa kóshý jónindegi bastamańyzdy bárimiz qoldaımyz.

Júzdegen etnostardyń má­denıetin, dástúrin jáne kún­delikti ómir saltyn engizý men bir-birin tolyqtyrýy qazaq­standyqtardyń qaıtalanbas rýhanı baılyǵyna qol jetkizýge, etnosaralyq biregeı mádenıetti qalyptastyrýǵa Elbasymen birge údemeli damýǵa múmkindik berdi. Bul táýelsizdik jyldaryndaǵy Qazaqstannyń barsha jetistigin anyqtap, Úshinshi jańǵyrtý tapsyrmalaryn tıimdi sheshýdiń irgetasyna aınaldy.

Latynǵa kóshý qazaq tiliniń básekege qabilettiligin arttyryp, jańǵyrtý onyń barsha múmkindigin baılanys quraly ǵana emes, rýhanı jańǵyrý barysynda ulttyq biregeılikti kúsheıtýge ońtaıly paıdalanýǵa jaǵdaı jasaıdy.

Sizdiń bastamańyz qazaqstan­dyq­tardyń orys tilinen bas tartýyn bildirmeıdi. Orys tili qazaq tilimen birge resmı qol­danysta qala bermek. Onyń jan-jaqtylyǵy mádenıet pen ór­kenıetti jaqyndastyratyn mádenıetaralyq dıalog qalyp­tastyrady.

Barsha qazaqstandyq etnos­tar­dyń mindeti latyn álipbıine kóshý úderisine ilesý úshin, ony bekitken kúnnen bastap memlekettik tildi jedel meńgerý dep esepteımiz.

Bizdiń kózqarasymyz osy. Bul – bizdiń aınymas pikirimiz. Bul – bizdiń baǵy­tymyz. Osy oraıdaǵy jumystardy «Qazaq­stannyń orys, slavıan jáne kazak uıymdarynyń qaýymdastyǵy» zańdy tulǵalar birlestiginiń respýblıkalyq keńesi búkil deńgeılerinde, elimizdiń barsha aýdandarynda jáne ǵylymı-tájirıbelik qaýymdastyqtarda júrgizemiz.

Biz qoǵamdyq kelisimdi saqtaý jáne kúsheıtý maqsatynda qoly­myzdan kelgenniń bárin jasaımyz.

Nursultan Ábishuly, sizge densaýlyq, tabys jáne Máńgilik eldiń birtutas ulty bolý jolynda búkil jaqsylyqty tileımiz.

«Qazaqstannyń orys, slavıan jáne kazak uıymdarynyń qaýymdastyǵy» zańdy tulǵalar birlestigi atynan Vladımır BOJKO