Osy jyldyń jeltoqsanyna deıin «Báıterek development» AQ «Astana EKSPO-2017» ulttyq kompanııasynan jalǵa alýshy retinde qala bermek. Sondyqtan da ondaǵy páterler bıyl satylmaıdy.
EKSPO-qalashyq Qazaqstan Úkimetiniń qaýlysymen 2014 jyly «Astana EKSPO-2017» ulttyq kompanııasynyń ıeligine berilgen-di. Joba aıaqtalǵan soń osy qujatqa sáıkes jyljymaıtyn múlikti satý úshin qalashyq aksıonerlik qoǵamǵa qaıtarylýy tıis bolatyn.
«EKSPO-2017» halyqaralyq kórmesine arnap salynǵan basqa nysandar, sonyń ishinde «Nur Álem» pavılony mýzeı kesheni retinde paıdalanyla beredi. S3 jáne S4 halyqaralyq pavılondaryna Astana Halyqaralyq qarjy ortalyǵy ornalasady, S1 - «Job World» adam resýrstaryn damytý bilim berý ortalyǵy, D1 - «Jasyl» tehnologııalar halyqaralyq ortalyǵy, D4 - halyqaralyq IT-tehnopark enshisine beriledi.
Kórme aýmaǵyna ornalasqan (kommersııalyq negizde - red.) uıymdar týraly aqparat pavılondar jóndelip, ǵımarattar jalǵa berilgennen keıin belgili bolady.
