Jıyn barysynda Ulttyq aýdarma bıýrosynyń atqarýshy dırektory, «100 jańa oqýlyq» jobasynyń jetekshisi Raýan Kenjehanuly bıylǵy jyly aýdarylyp bitýi tıis 18 oqýlyqqa jeke-jeke toqtalyp, onyń mańyzdylyǵyn, qazirgi zamandaǵy suranysyna mán berdi.
«Qazirgi kezde osy 100 oqýlyqqa «100kitap.kz» saıty jumys istep tur. Sol jerde barlyq málmetter berilgen. Tańdap alynǵan kitaptardy kimder aýdarǵany, qansha ret basylyp shyqqany bári sol jerde tur» - deıdi joba jetekshisi.
Onyń aaıtýyna qaraǵanda kitaptar ataýynyń qazaqsha balamasyna qatysty da túrli usynystar men nusqalar bolǵan.
«Mysaly negizgi ataýyn týra qazaqshalaǵanda kóńilge qonymsyz, qazaqy túsinigimizge tompaq keletin aýdarmala boldy. Biz solarmen kóp jumys jasadyq. Tipti áli de keıbir kitaptardyń qazaqsha ataýyn naqty bere almaı otyrmyz. Karen Armstrongtiń «A History of God: The 4000-year quest of judaism, christianity and islam» atty týyndysy (oryssha «Istorııa Boga») degen ataýdy týra aýdarsaq «Qudaılar tarıhy» bolýy kerek. Al bizdiń senim boıynsha týra solaı berýge bolmaıdy. Sonymen qatar Elliot Aronsonnyń «The Social Animal» atty týyndysyn da qazaqsha ataý tym kúrdeli. Mysaly «Áleýmettik haıýan» nemese «Qoǵamdyq janýar» dep ataý qazaqy bolmysymyzǵa jat» - deıdi Raýan Kenjehanuly.
Qalaı degenmen bıylǵy jylǵa aýdarylady dep josparlanǵan 18 kitaptyń aýdarma jumysy bitti.
«Qazirgi kezde bıylǵy josparlanǵan 18 kitap aýdarylyp bitti. Endi redaktorlar jumysy jasalyp jatyr. Biraq bul kitaptar kelesi jyldan bastap baspaǵa jiberiledi. Jáne bir aıta keterligi bul kitaptar latyn álipbıimen basylady dep josparlap otyrmyz. Elbasy qazaq tiliniń latyn álipbıindegi alfavıtiniń sońǵy nusqasy qaısy dep bekitip, qol qoıady, sol nusqamen basylady. Sondyqtan latyn álipbıi bekitilgenshe bul kitaptar baspaǵa daıyndalatyn bolady» - dedi aýdarma bıýrosynyń atqarýshy dırektory.
Esterińizge sala keteıik, buǵan deıin 2017 jylda aýdarylýǵa tıis 17 kitaptyń tizimi jarııalanǵan bolatyn.
