Kezdesý barysynda Elbasynyń «Rýhanı jańǵyrý» baǵdarlamasy, latyn qarpine kóshý máselesi tóńireginde áserli áńgime órbidi. Bolashaq jýrnalıster basqarma tóraǵasyna ózderin tolǵandyrǵan saýaldaryn qoıdy. Ásirese olar «Egemen Qazaqstan» gazetiniń oqyrman tartýdaǵy ereksheligine, basylym mazmuny men shyǵý formatyna qyzyǵýshylyq tanytty.
D.Qydyráli búginde elimizdiń bas basylymynyń ataýy jańasha jazylyp, rebrendıng júrgizilip, D2 eýro formatynda shyǵarylyp jatqanyna, gazettiń formaty ǵana emes, mazmuny da ózgerip, oqyrman talabyn qanaǵattandyrý maqsatynda arnaıy jobalar qolǵa alynyp, Tálim, Bilim, Tanym sekildi arnaıy better jaryq kóre bastaǵanyna toqtaldy. Materıaldardyń kólemi de qysqaryp, sapa men mazmunǵa kóbirek kóńil bólinetinin aıtty.
«Qazir álemdegi beldi basylymdardyń oqyrmandary azaıyp bara jatsa, kerisinshe «Egemendi» oqıtyn adamdardyń qatary kóbeıip keledi. Gazettiń saıty alǵashqy elýliktiń ishine endi. Basylymnyń saıtyn shet eldegi qandastarymyz da oqıdy», - dedi basqarma tóraǵasy.
Sonymen qatar D.Qydyráli gazetke jazylý, oqyrmanmen baılanys jaıyn tilge tıek etip, basylymǵa jazylý máselesine patrıotızm turǵysynan qaraýdyń mańyzdylyǵyn atap ótti.
Azamat QASYM,
«Egemen Qazaqstan»
О́SKEMEN
