Atalǵan is-sharany uıymdastyrýshy – Astana qalasy Qazaqstan halqy Assambleıasy.
M. О́temisov atyndaǵy Oqýshylar saraıynyń konsert zalynda ótken is-sharaǵa QHA músheleri, memlekettik organdar men etnomádenı birlestikterdiń, qalamyzdaǵy jastar uıymdarynyń ókilderi jáne elordamyzdaǵy kolledjder stýdentteri qatysty.
«Til-dostyqtyń altyn kópiri» baıqaýy qazaqstandyq patrıotızmdi nyǵaıtý, memlekettik tildiń mańyzyn jáne qazaqstandyq jastardyń azamattyq jaýapkershiligin arttyrý, sondaı-aq shyǵarmashylyq áýeletin damytý men olardy rýhanı-adamgershilik turǵysynan tárbıeleý maqsatynda ótkizildi.
Memlekettik tildi úırenýge arnalǵan baıqaýǵa Astana qalasyndaǵy etnomádenı birlestikterdiń jastar qanaty ókilderi qatysty. Baıqaýdyń birinshi tapsyrmasyna sáıkes, árbir qatysýshy «Meniń Otanym – Qazaqstan» atty túsirilimdik mańyzy bar derekterge aýyzsha ózindik oı-pikirlerin bildirdi jáne odan ári synaqtarda til saýattylyǵynan, qazirgi zaman ádebıeti klassıkteriniń shyǵarmalaryn oqýdan, sheshendik qabiletterin tanytýdan jáne sahnada ózin ustaý sheberlikteri boıynsha synaqtan ótti.
Bedeldi ádilqazylar músheleri árbir qatysýshynyń mátinderdi kórkem oqý sheberligi men maqam saýattylyǵyn baǵalady. Sonymen baıqaýdyń eń jas qatysýshysy «Iýnchı» dúngender etnomádenı ortalyǵy» QB jastar qanatynyń ókili Zalına Ibragımovaǵa úshinshi oryn berilse, «kúmis» marapaty «Astana qalasy ózbek etnomádenı ortalyǵy» QB atynan qatysqan Mýhtaramhon Mamadalıhovaǵa tabys etildi. Memlekettik tildi úırenýge arnalǵan baıqaý júldesine Astanadaǵy Qazaqstan uıǵyrlarynyń respýblıkalyq mádenı ortalyǵy jastar qanatynyń múshesi Rozalına Mahmýdova laıyq dep tanyldy. Baıqaýǵa qatysýshy jeńimpazdarǵa dıplomdar men baǵaly syılyqtar tabys etildi.
Jalpy, qalalyq deńgeıdi qamtyǵan «Til – dostyqtyń altyn kópiri» atty baıqaý barlyq ult jastarynyń memlekettik tildi úırenýge degen qyzyǵýshylyǵyn arttyrý maqsatynda ótkizildi.
