Ashyq esik kúnine «Egemen Qazaqstan», «Kazahstanskaıa pravda», «Aıqyn», «Lıter», «Qazaq sporty» gazetteri, «Qazaq gazetteri» JShS qatysty. Ashylý saltanatynda sóz alǵan «Qazposhta» AQ-tyń Astana qalasyndaǵy fılıalynyń dırektory Gúlmıra Aıtbekqyzy jınalǵan qaýymdy halyqaralyq baılanys kúnimen quttyqtady. «Bizdiń ashyq esik kúnin ótkizý týraly usynysymyzdy qabyl alǵan barsha baspagerlerge alǵys bildiremin. Bul shara oqyrman men gazetterdi jaqyndastyrýǵa sep bolady degen oıdamyn», dedi ol.
Al dırektordyń orynbasary Baǵdat Orazbaıuly baspasóz «halyqtyń qulaǵy, kózi hám tili» ekenin eske aldy. «Bizdiń basty maqsatymyz – baspasózdi oqyrmandarymen tez arada qaýyshtyrý. Búgin shyqqan gazetti oqyrmanyna sol kúni qaýyshtyrý ońaı emes. Biraq Qazaqstannyń túkpir-túkpirindegi aýyldar men kez-kelgen óńirdegi jazylýshylar baspasóz ónimin der kezinde qolyna alýy úshin bizdiń tarapymyzdan qajetti jumystar atqarylýda», deıdi Baǵdat Orazbaıuly.
«Egemen Qazaqstan» gazetiniń atynan sóz alǵan Rýhanııat bóliminiń basshysy Talǵan Batyrhan Qazposhta qyzmetkerlerin aıtýly merekemen quttyqtap, gazetti oqyrmandarǵa der kezinde jetkizetinderi úshin alǵys aıtty. Al aqyn, rýhanııat bóliminiń sholýshysy Qorǵanbek Amanjol «Egemen» týraly óleń oqyp, jurshylyq yqylasyna bólendi.
Ashyq esik kúni barysynda oqyrmandarǵa gazetke jeńildikpen jazylý múmkindigi usynyldy. Alǵashqylardyń biri bolyp «Egemen Qazaqstanǵa» jazylǵan Amantaı Káken 1964 jyldan beri eldiń bas basylymyna úzbeı jazylyp kele jatqanyn, ara-tura súıikti gazetine avtor retinde de atsalysatynyn qýana jetkizdi.
