2009 jyly qurylǵan seriktestik 2015 jyldan bastap qarqyndy baý egýmen aınalysyp keledi. Búginde qojalyq ıeligindegi 36 gektar jerge tamshylatyp sýarý ádisimen almaı baý egilgen. Munda almanyń Jersı Mak, Janjır Gold, Vılıams Praıd, Gala, Golden Delıshes, Red Delıshes, Skarlet Spýr, Jeromın Grennı Smıt, Fýndjı, Pank Ledı Saltanat túrleri jaıqalyp ósip tur. Jylyna 80 mln teńgeniń ónimin óndiretin seriktestikte 30 adam turaqty jumyspen qamtylǵan.
Oblys ákimi aýdan basshysy men qojalyq tóraǵasyna memleket tarapynan kórsetilip jatqan barlyq jeńildikterdi tıimdi paıdalanýdy tapsyrdy.
«Saryaǵash aýdanynyń tabıǵı-klımattyq jaǵdaıy jemister men kókónis kóshetterin ósirýge óte qolaıly. Sondyqtan atalǵan seriktestik basshylyǵyna memleket tarapynan beriletin sýbsıdııa men túrli nesıelik jeńildikterdi tıimdi paıdalaný qajet. Ol úshin tıisti qujattardy rettep, der kezinde áreket etken jón. Aldaǵy jyldary klımaty men topyraǵy sáıkes keletin ózge aýdandarǵa osy tálimbaqta ósirilgen kóshetterdi jersindirý isin jandandyrýdy tapsyramyn»,- dedi Janseıit Qanseıtuly.
Munan soń óńir basshysy Saryaǵash qalasyndaǵy aýdandyq bıýdjet esebinen 35 mln teńgege salynǵan «Ana men bala» alleıasyn aralap kórdi. Alleıanyń negizgi maqsaty – otbasy qundylyqtaryn dáriptep, anaǵa degen qurmetti nasıhattaý, ulttyq salt-dástúrlerimizdi damytý bolyp tabylady. Alleıanyń qurylysyn «Saryaǵash-Tazalyq» memlekettik kommýnaldyq kásiporyny júrgizipti. Jańa nysanda oblys ákimi saryaǵashtyq turǵyndarmen kezdesip, ózara pikir almasty. Jergilikti azamattar aýdandat atqarylyp jatqan jumystar týraly áńgimelep, oılaryn ortaǵa saldy.
