Eger 2013 jyly elordalyq balalar úıinde 422 bala bolsa, 2017 jyly olardyń sany 272 qurady, dedi qalalyq bilim basqarmasynyń jetekshisi Anýar Janǵozın máslıhattyń áleýmettik-medenı máseleleri boıynsha turaqty komıssııanyń otyrysynda.
«Respýblıkada jetim balalardy tárbıeleýge alǵan qazaqstandyq otbasylardy materıaldyq yntalandyrý engizildi. 2004 jyldan beri patronattyq tárnbıe berý formasy damı bastady. Patronattyq tárbıeshilerge eńbek ótili men kvalıfıkasııalyq kategorııasyna baılanysty aı saıyn eńbek aqy tólenedi. Sonymen qatar balany kútip-asyraýǵa 9-10 AEK mólsherinde járdemaqy beriledi», - dedi A.Janǵozın.
Buǵan qosa 2011 jyldan bastap balanyń qamqorshylary da aı saıyn 10 AEK (22690 teńge) járdemaqy alady. «Al 2015 jyldyń qańtar aıynan beri bala asyrap alǵan qazaqstandyq azamattarǵa 75 AEK mólsherinde (170 175 teńge) bir jolǵy tólemaqy tólene bastady. Jalpy, bul 2013 jyly elordalyq balalar úıinde 422 bala bolsa, 2017 jyly bul kórsetkish 272 qurap otyr. Iаǵnı, balalar úıindegi tárbıelenýshilerdiń 36% paıyzǵa azaıǵany baıqalady», - dedi Astana qalalyq bilim basqarmasynyń jetekshisi.
