«Myna qurylǵy óte qolaıly eken. Budan bylaı áleýmettik qyzmetkerlerdi burynǵydaı kóp áýrege túsirmeıtin boldyq. Bul osy mekemedegi qol arbamen júretin qatarlastarymyzǵa úlken kómek bolady dep oılaımyn. Igi iske uıytqy bolǵan jandarǵa alǵysymyzdy aıtamyz», - deıdi Qarttar úıiniń turǵyndarynyń biri Aleksandr Serebrıkov.
«Qazsınk» kompanııasynyń О́skemendegi kásipodaq uıymynyń tóraǵasy Nıkolaı Potopenko jaqynda osynda is-shara ótkizgende ardagerler tarapynan jańa qurylǵynyń qajettigi jóninde ótinish bildirilgenin aıtady.
«Bizdiń kompanııa ardagerlerdi eshýaqytta nazardan tys qaldyrǵan emes. Árdaıym qoldap, demep otyrady. Jalpy, aǵa býyn ókilderine qandaı qurmet kórsetsek te artyqtyq etpeıdi», - deıdi ol.
Igi sharaǵa oblystyq ardagerler keńesiniń tóraǵasy Aıtqazy Sherýbaev ta arnaıy qatysyp, qarııalardy halyqaralyq Qarttar kúni merekesimen quttyqtady.
Azamat QASYM,
«Egemen Qazaqstan»
О́SKEMEN
Sýretti túsirgen avtor
