Saltanatty sharaǵa QR Mádenıet jáne sport vıse mınıstri Aqtoty Raıymqulova qatysyp sóz sóıledi. «Bul ıgi is Qazaqstan men Túrkııa arasyndaǵy dıplomatııalyq qarym-qatynastardyń ornaýynyń 25 jyldyǵynan arnalyp otyr. Osy jyldarda eki el arasyndaǵy yntymaqtastyq tereńdeı túsýde. Bıyl 9 qyrkúıektegi Túrkııa Prezıdenti Redjep Taııp Erdoǵannyń Astanaǵa saparynyń osynaý ekijaqty baılanystardyń odan ári jandana túsýine yqpal etti»,- dedi ol. Sonymen qatar Elbasy Nursultan Nazarbaevtyń Túrkııamen yntymaqtastyqqa basa nazar aýdaratynyn da atap ótti.
Túrkııa mádenıet jáne týrızm mınıstriniń orynbasary Hýseın Iаıman Qazaqstannan kelgen mártebeli meımandarǵa ystyq yqylasyn bildirdi. Sondaı-aq eki halyqtyń tarıhy, ortaq mádenı qundylyqtary tereńnen sabaqtasa tamyr tartyp jatqandyǵyn atap ótti.
Ataýly sharaǵa baılanysty Iýnýs Emre mádenıet ortalyǵynda Qazaqstan ánshileri men shyǵarmashylyq ujymdarynyń saltanatty konserti boldy.
