Aıta ketý kerek, qostanaılyq polıseılerdiń «Dınamo» kókparshylar komandasy oblystyq ishki ister departamentiniń bastyǵy, polısııa general-maıory Beket Aımaǵambetovtyń bastamasymen osydan úsh aı buryn qurylǵan bolatyn. Beket Imanulynyń pikirinshe, kókpar jastar boıynda batyldyqty, eptilikti qalyptastyrady, sondaı-aq, oıynnyń ujymdyq sıpaty tártip saqshylaryna kúndelikti qyzmette de qajet bolady.
Kókpar maýsymynyń jabylý týrnıri oıynyna oblystaǵy Sarykól, Taran aýdandarynyń quramalary men «Dınamo» komandalary qatysty. Týrnır Qostanaı aýdanyndaǵy «Arǵymaq» ıppodromynda ótti. Týrnırdi aldymen «Dınamo» jáne Sarykól aýdany komandalary ashty. Jigitter jaýǵan jańbyrǵa da qaramaı qyzyqty oıyn ótkizdi. Oıynda «Dınamo» komandasy bul oıyndy jaqsy meńgergen komanda kapıtany, ýchaskelik ınspektor Baqdaýlet Asanovtyń bilikti qımyly arqasynda jetistikke jetti deýge bolady. Ol oıyn qorytyndysynda úzdik oıynshy atandy.
Názıra Járimbet,
«Egemen Qazaqstan»
QOSTANAI
