Bul týraly «Rýhanı jańǵyrý» baǵdarlamasy basqarý ofısiniń menedjeri Bolat Atybaı QazUTÝ ýnıversıtetinde ótken dóńgelek ústel májilisinde málimdep arnaıy tanystyrdy.
Onyń aıtýynsha «tárbıe jáne bilim baǵdarlamasy» úsh baǵyttan turady. Sol úsh baǵyttyń bireýi - sanaly azamat. «Sanaly azamat» baǵytynyń sheńberinde «Uly dala jastary» jobasy ázirlendi. Osy jobadan basqa 21 joba bekitilip barlyq óńirlerge joldandy. Jobanyń maqsaty - elimiz alǵa qoıǵan mindetterdi jastardyń boıyna sińirý.
«Rýhanı jańǵyrý» ofısiniń Almaty qalasy boıynsha bas mendjeri Laýra Irgebaeva «Uly dala jastary» jobasy ıdeıasyn Bilim jáne ǵylym mınıstrligi usynyp otyrǵanyn aıtty.
«Negizi bastamashy - QR Bilim jáne ǵylym mınıstrligi. Joba bastaldy. Bunyń jastardyń belsendiligin arttyrýǵa, ıaǵnı, ǵylym, bıznespen aınalysýyna jaǵdaı jasaý. Oqý ornyn bitirgen jastardyń jumyspen qamtylý deńgeıi qanshalyqty? Osy máseleniń barlyǵy qamtylatyn bolady», - dedi ol.
Jıynda JOO ustazdaryna joba boıynsha óz oqý oryndaryna yńǵaıly bolatyn usynys jasap, jumys baǵdarlamasyn ázirleý tapsyryldy.
