La Stampa gazetine silteme jasap TASS agenttiginiń jazýynsha, Venetoda saılaýǵa elektorattyń 59,7 paıyzy qatysty. Aldyn ala málimet boıynsha, olardyń 98 paıyzy avtonomııa úshin daýys berse, 2 paıyzy oǵan qarsy bolǵan.
Sál keıinirek, kórshi Lombardııa oblysyndaǵy referendýmnyń aldyna ala nátıjeleri belgili boldy. Reuters-tiń habarlaýynsha, munda da turǵyndardyń basym deni (95 paıyzy) ortalyq úkimetten derbestik úshin daýys bergen. Saılaýǵa qatysý 40 paıyzdy qurady.
Aıta keteıik, Veneto men Lombardııadaǵy referendýmdar konsýltatıvtik sıpatqa ıe jáne olardyń oblys deńgeılerine tikeleı jáne shuǵyl túrde áser etpeıdi. Avtonomııaǵa qoldaý bildirilgen jaǵdaıda atalmysh eki óńir basshysy Italııa konstıtýsııasynda qarastyrylǵandaı, el úkimetimen kelissózderdi bastaý úshin halyqtyq mandatqa ıe bolady.
Veneto men Lombardııa Italııa ekonomıkasynyń úshten bir bóligin quraıdy. Buǵan deıin habarlaǵanymyzdaı, Venesııa basshysy Lýka Dzaııa referendým ýaqytyn osydan bir jyl buryn belgilep qoıǵan. Keıin bul bastamaǵa Lombardııa gýbernatory qosylady.
