Ystanbulda BUU Damý baǵdarlamasynyń uıymdastyrýymen konferensııa bastaldy

Osy konferensııanyń sheń­berin­de Memlekettik qyzmet sala­­syn­daǵy Astana óńirlik haby Qazaqstannyń mysalynda mem­le­kettik basqarý men qyzmet kór­se­tý­lerdi baǵalaýǵa arnal­ǵan semınar ótkizgenin budan bu­ryn jazǵan bolatynbyz. Budan eki jyl buryn BUU qabyldaǵan «Ornyqty damý maqsattary» atty jospardy oryndaýdyń negizgi salalarynyń biri – halyqqa memlekettik qyzmet kórsetýdiń tıimdiligin arttyrý dep belgilengen. Al onyń tıimdiligin arttyrý úshin mem­­lekettik qyzmet kórset­kish­­terin baǵalaý jumysy da joǵa­ry deńgeıde bolýy kerek. Bul qa­tarda qazaqstandyq tájirıbe kóp­tegen elderge úlgi bola alatyn­dyǵy semınarda aıqyn kórindi. 

Konferensııa jumysyn uıym­­dastyrýǵa Eýropanyń adam evolıýsııasynyń damýyn zert­teý qoǵamy da atsalysqan. Bul qoǵam adamnyń bıolo­gııalyq damýymen qatar mádenı damýyn da zertteıtin jan-jaq­ty ǵylymı ortalyq. 

Konferensııanyń ashylýynda BUU Damý baǵdarlamasynyń Eýropa men TMD boıynsha Bas bıýrosynyń dırektory Djeıxan Sultanoǵly sóılep, ornyqty damýdyń maqsattary ǵalamdyq jappaı damýdy kózdeıtinin aıtty. «Bul eshkimniń de artta qalmaýyn qamtamasyz etýdi bildiredi. Sonyń ishinde kedeı­shilikti joıý, memlekettik basqarý­dyń tıimdiligin arttyrý jáne taǵy basqa mańyzdy maqsattar bar. Eń bastysy biz jalpyǵa or­taq progres­ke jol ashýymyz qajet.

Biz memleketter arasyn­daǵy damýdyń ártúrlili­gin azaıtyp, damýdyń alýan túrli kedergilerin kemitip, osy maqsatqa jetýimiz kerek. Ol úshin ozyq, úlgili tájirıbe­ler­diń jetistigin úırenip, ony bárine ortaq etýimiz kerek. Qaty­sý­shy memleketterdiń bári ozyq úlgi­lerdi ózine engizýi shart. Son­da ornyqty damýdy jappaı qam­tamasyz etetin bolamyz. Bar­lyq elderdiń úkimetteri soǵan yń­ǵaı­l­anyp, óz baǵdarlamalaryn soǵan úılestirgeni durys. Al mem­­le­kettik basqarý men qyz­met kór­setýdiń tıimdiligin baǵa­laý ar­qyly biz naqty qandaı maq­sat­tarǵa jetkenimizge kóz jet­kizetin bolamyz. Ony tipti ár­bir memlekettiń xalyq al­dyn­da­ǵy esebi dep túsinýge de bola­dy», dedi ol. Sonymen qatar Bıýro basshysy osy sala­daǵy úz­­dik qyz­metteri úshin Nor­vegııa men As­tana óńirlik habtary­nyń ju­­­my­­sy­na joǵary baǵa bereti­nin atap ótti. «Al Astana haby­nyń ke­shegi semınary biz­diń jumys­ymyz­­dy qoldaý baǵytyn­daǵy ozyq my­sal­dardyń biri boldy», dedi ol. 

Konferensııanyń ashylý saltanatynda Túrkııa Syrt­qy ister mınıstriniń orynbasary Ahmet Iyldyz da qut­tyqtaý sóz sóılep, uıymnyń kóterip otyrǵan máselesiniń mańyzdylyǵyn sóz etti. Men Afrıka elderine jasaǵan saparymda bir elderdiń sýdan taryǵyp, shól qysyp otyrǵa­nyn kóremin, al keıbir elderde kerisinshe, sý basyp, tasqyn júrip jatady. Solardy retteý halyqaralyq uıymnyń sharýasy ǵoı. Ekologııalyq apattar­dy boldyrmaý jónindegi Parıj kelisimi de soǵan úndeıdi, al keıbir elder basshylary­nyń sony uqpaıtynyna tań qala­syń. Biz «Úlken jıyrmalyqqa» tóraǵa­lyq etetinimizdi paıdalanyp, osy máseleni álemdik qoǵam­dastyqtyń talqylaýyna usyný nıetimiz bar, dedi ol óziniń sózinde.

Qoryta aıtqanda, BUU-nyń ornyqty damý maqsatyn kózdeıtin josparynyń oryndalýy jolynda memleket­tik basqarý men memlekettik qyz­metti jetildirý isi jónindegi talqylaýlar men usynystar mamandardyń nazaryn aýdardy. Olardyń qorytyndysy tujyrymdalyp, barlyq memleketter basshylarynyń qaraýyna usynylady.

Jaqsybaı SAMRAT,
«Egemen Qazaqstan» – 
Ystanbuldan