Qazaqstan • 23 Qazan, 2017

Japonııadaǵy taıfýnnan 5 adam opat bolyp, 80-nen astamy zardap shekti

360 ret

kórsetildi

1 mın

oqý úshin

Japonııada «Lan» joıqyndy taıfýnynyń saldarynan bes adam mert bolyp, 85-si jaraqattandy.

Egemen Qazaqstan

Japonııadaǵy taıfýnnan 5 adam opat bolyp, 80-nen astamy zardap shekti

NHK telearnasy habarlaǵandaı, Fýkýoka qalasynda 63 jastaǵy jergilikti turǵyndy qurylys nysany aınalasyna ornatylǵan aǵash satylar basyp qalǵan. Al Honsıý aralyndaǵy Kısıvada qalasynda kólikti teńizge shaıyp ketip, ishinen áıel bosap shyǵa almaı kóz jumdy. Qalǵan adamdar ústine ártúrli zattar, jarnama qalqandary, aǵashtar qulaǵanan opat boldy.

Sondaı-aq Vakaıama prefektýrasynda úıi laı kóshkini saldarynan qıraǵan 82 jastaǵy zeınetker iz-túzsiz joǵaldy. Qatty daýyl men tolassyz jaýǵan jaýynǵa baılanysty jolaýshylar poıyzdarynyń qozǵalysy men áýe reısteri toqtatyldy.

Fýkýsıma óńirindegi 81 myń adam jedel evakýasııa týraly habarlama aldy. Japondyq basylymdardyń habarlaýynsha, jeldiń ekpini 45 m/sek deıin jetedi.

Meteorologtardyń málimdeýinshe, taıfýnnyń oshaǵy qazir Honsıý aralynyń soltústik bóliginde ornalasyp otyr.