«Bizdiń memleketaralyq qarym-qatynastarymyz 2013 jylǵy 11 qarashadaǵy HHI ǵasyrdaǵy tatý kórshilestik pen odaqtastyq týraly ekijaqty sharttyń aıasynda jáne sonyń erejelerine saı damyp kele jatqany qýantady.
Elderimiz arasyndaǵy Eýrazııalyq ekonomıkalyq odaq, Ujymdyq qaýipsizdik shart uıymy, TMD, ShYU, BUU jáne basqa da kópjaqty qurylymdar aıasyndaǵy yntymaqtastyq Astana men Máskeýdiń senim men ózara túsinistikke negizdelgen strategııalyq áriptestigin damytýdyń mańyzdy bóligi bolyp sanalady.
Men aramyzda qalyptasqan shynaıy jeke qarym-qatynasty da joǵary baǵalaımyn. Bul rette, yntymaqtastyǵymyzdy odan ári nyǵaıtý baǵyty halyqtarymyz tarapynan keńinen qoldaý taýyp otyrǵany mańyzdy», – delingen jedelhatta.
Sońynda Qazaqstan Prezıdenti Reseı Prezıdentine zor densaýlyq, alǵa qoıǵan josparlaryn júzege asyrý jolynda tolaǵaı tabys tilep, dostas Reseı halqynyń odan ári ósip-órkendeýine nıettestik bildirdi.
Esterińizge sala keteıik, óz kezeginde Vladımır Pýtın de Nursultan Nazarbaevty dıplomatııalyq qarym-qatynastyń ornaǵanyna 25 jyl tolýymen quttyqtap, jedelhat joldady
