Atalǵan jármeńkeniń maqsaty – kommersııalyq emes uıymdardyń jáne kásipkerlerdiń qoǵamnyń áleýmettik máselelerin sheshýde ózara is-qımylyn kúsheıtý, bıznestiń áleýmettik jaýapkershiligi tájirıbesin damytý bolyp tabylady. Jármeńke úkimettik emes uıymdardyń qazaqstandyq kásipkerler úshin áleýmettik máselelerdi sheshýge baǵyttalǵan jobalaryn usynýǵa biregeı múmkindik beredi.
Jármeńkege eń kóp ótinimder Pavlodar (20), Qostanaı (17), Ońtústik Qazaqstan (12) oblystarynan jáne Astana qalasynan (13) kelip túsken. Otandyq kásipkerler jáne qyzyǵýshylyq tanytqan kez kelgen tulǵa asar2017.kz saıty arqyly ÚEU usynǵan jobalarmen tolyq tanysyp, olardy júzege asyrýǵa qoldaý kórsete alady. Kásipkerler tarapynan qoldaý tapqan eń tabysty ÚEU jobalary 2017 jylǵy 30-31 qazanda Atyraý qalasynda ótetin «Asar» atty úshjaqty seriktestik forýmynda tanystyrylady. Atalǵan shara «Rýhanı jańǵyrý» baǵdarlamasynyń aıasynda ótedi jáne ÚEU, bıznes jáne memleket úshin jyl saıynǵy suhbat alańyna aınalady.
Atalǵan forým Din isteri jáne azamattyq qoǵam mınıstrligi, «Atameken» ulttyq kásipkerler palatasy jáne «Azamattyq bastamalardy qoldaý ortalyǵy» kommersııalyq emes aksıonerlik qoǵamynyń qoldaýymen uıymdastyrylyp otyr.
«Egemen-aqparat»
