«Qazir argentınalyqtarmen kelissózder júrgizip jatyrmyz. Árıne, bul ońaı emes. Biraz kúshti talap etedi. 14 qarashaǵa deıin de az ýaqyt qaldy. Qazirgi ýaqytta qarjylandyrý máselesin sheshý qajet. Jalpy somanyń 40 paıyzyn Qazaqstan fýtbol federasııasy óz moınyna alady, al qalǵan 60 paıyzdy toltyrý úshin potensıaldy demeýshilerdi tartý kózdelip otyr.
Lıonel Messı, Serhıo Agýero, Anhel Dı Marııa, Haver Maskerano, Paýlo Dıbala sekildi ózge de juldyzdar bastaǵan quramanyń elimizge kelýi Qazaqstan fýtbol tarıhyndaǵy mańyzdy oqıǵa bolary sózsiz. Argentına negizgi quramdy alyp kelýge daıyn. Qarjy máselesi sheshilse bul kezdesý ótedi», - dedi Ýtrobın.
Aıta keteıik, 11 qarashada Argentına quramasy Máskeýde Reseı quramasymen joldastyq kezdesý ótkizedi.
Birer aı buryn Horhe Sampaolıdiń shákirtteri Reseıde 2018 jyly 14 maýsym 15 shilde aralyǵynda ótetin álem chempıonatyna joldamany jeńip alǵan edi.
