«Atalmysh baǵdarlamanyń statıstıkasyna júginsek, óńirlerdiń arasynda antı proporsııa bar ekenin baıqaımyz. Iаǵnı josparlaý durys júrgizilip jatqan joq. О́tken aptanyń sársenbisi kúni (QR Parlamenti Májilisiniń jalpy otyrysynda – avtor) depýttar halyq tyǵyz qonystanǵan óńirlerge mektepti az salamyz da, al halyq az óńirge kerisinshe isteımiz dep eskertken edi», - dedi Úkimet basshysy.
Osy oraıda Baqytjan Saǵyntaev atalǵan jaǵdaıdyń «Nurly jer» baǵdarlamasyn oryndaý barysynda da qaıtalanyp otyrǵanyna renish bildirdi.
«Ne boldy? Almaty oblysynda páter alýǵa 37 myńǵa jýyq adam kezekte tur. О́ńirde jyldyq jospar boıynsha 82 páter salý qarastyrylǵan. Al Qaraǵandy oblysynda páter alýǵa 35 myń adam kezekte kútýde. Onda jyldyq jospar boıysha 387 páter salyný qarastyrylypty. Mańǵystaý oblysynda jaǵdaı kerisinshe. Páter alýǵa 17 myń adam kezekte tur, jyldyq jospar boıynsha 1132 páter salý josparlaǵan. Aqtóbe oblysynda 26 myń adam kezek kútýde. Jyldyq jospar boıynsha 2 600 páter salý qarastyrylǵan. Osy jaǵdaıdy sheshý kerek. Árıne, óńirlerde turǵyn úılerdiń kóp salynǵany jaqsy. Biraq páterge suranys kóp óńirlerde múldem qurylys júrip jatqan joq. Bulaı bolmaýy kerek. Asqar Uzaqbaıuly (Asqar Mamın, QR premer-mınıstiriniń orynbasary – avtor) máseleni baqylaýǵa alyńyz», - dedi Úkimet basshysy.
