Sapar barysynda alǵashqy kezdesý Tatarstan Respýblıkasy Premer-mınıstriniń birinshi orynbasary Rýstam Nyǵmatýllınmen ótti. Ol sózinde Tatarstan men Qostanaı oblysy arasyndaǵy ornaǵan halyqaralyq baılanys, keleshekte eki jaqty yntymaqtastyqty odan ári damytýdyń baǵyttary jóninde, sonymen qatar iskerlik qatynastardy nyǵaıtýǵa ózderi tarapynan daıyn ekendikterin bildirdi. Al oblys ákimi Meıirjan Myrzalıev halyqaralyq jáne óńiraralyq baılanystardy damytýdyń mańyzyna toqtala kelip, Qostanaı oblysynyń ekonomıkalyq órleý kórsetkishteri, ınvestısııalyq áleýeti, yntymaqtastyqtyń keleshek negizgi baǵyttary jóninde aıtyp berdi. Sonymen qatar ol kórshilermen iskerlik áriptestikti, onyń ishinde ınvestısııalyq jobalardy birlese júzege asyrýdy eki jaqty keńeıte berýge úmit artatynyn da jetkizdi.
Tatarstan Investısııalyq damý agenttiginiń jetekshisi Talııa Mınýllınamen bolǵan kezdesýde respýblıkanyń ınvestısııalyq áleýetin atalǵan agenttik qostanaılyq qonaqtarǵa tusaýkeser jasap aıtyp berdi. Tatarstan Respýblıkasy Reseı Federasııasy boıynsha ınvestısııa tartýda kóshbasshy bolyp keledi jáne bul iste jaqsy tájirıbe jınaqtaǵan. О́z kezeginde Meıirjan Myrzalıev te Qazaqstanda ınvestısııa tartý jóninde Ulttyq strategııa qabyldanǵanyn, ony júzege ázirleý barysynda Qostanaı oblysy «pılottyq» óńir dep belgilengenin jetkizdi. Sondaı-aq bizdiń delegasııa Tatarstannyń Qurylys, arhıtektýra jáne turǵyn úı-kommýnaldyq sharýashylyǵy mınıstrliginde de boldy. Sol jerde Reseı ınvestısııasy arqyly Qostanaıda júzege asatyn lıft jabdyqtary óndirisi jobasy týraly aıtyldy.
Qostanaılyqtar Qazandaǵy «Alabuǵa» erekshe ekonomıkalyq aımaǵy men «Hımgrad» tehnopolısin aralady. Osydan 11 jyl buryn «Alabuǵa» erekshe ekonomıkalyq aımaǵy 27 mıllıard teńgege ınvestısııalanǵan bolatyn. Qarjy Federaldyq jáne Tatarstan respýblıkasy bıýdjetterinen, sonymen qatar jekemenshik kásiporyndardan tartyldy. Ekonomıkalyq aımaqta mashına jasaý, hımııa, qurylys materıaldary, metall óńdeý sekildi súıekti kásiporyndar jumys isteıdi. Munda ınvestısııalyq jobalardy júzege asyrǵysy kelgender úshin 50 gektarǵa deıin jer beriledi jáne daıyn ǵımarattar da usynylady. Jobaǵa salatyn qarjy talap boıynsha kóp emes, 120 mıllıon rýbldiń isin paıdaǵa asyrsa jetip jatyr. Basqarýshy kompanııa jobalardy ornalastyryp, ınfraqurylymdy qamtamasyz etedi. Kompanııada 700 adam eńbek etedi. Bir ereksheligi, «Alabuǵada» ınvestısııalyq jobany ornalastyrý Saraptama keńesi men Tatarstan Respýblıkasy Prezıdentiniń sheshimi arqyly ǵana múmkin bolady. Qostanaılyq delegasııa úırenetin úrdisten úlgi alyp qaıtty.
Názıra JÁRIMBET,
«Egemen Qazaqstan»
Qostanaı
