«Qazaq handyǵynyń» jalǵasy túsiriledi

– «Qazaq handyǵy» serıa­ly­nyń birinshi maýsymy otan­dastarymyzdyń tarıhqa degen qyzyǵý­shylyǵyn oıatty. Rejıs­serdiń jáne shyǵarmashylyq toptyń atyna kóptegen alǵys hattar kelip tústi, ǵalamtor já­ne áleýmettik jeliler arqyly jyly lebizder aldyq. Kóptegen pikirtalastar men syndar da boldy. Halyq tarapynan «osy jobanyń jalǵasyn túsirse eken» degen tilegin ańǵardyq. Bul biz úshin óte mańyzdy. 

Jaqynda Prezıdent N.Nazarbaevtyń «Bolashaqqa baǵ­dar: rýhanı jańǵyrý» atty baǵ­darlamalyq maqalasynda aı­tylǵan «Jańa turpatty jań­ǵyrýdyń eń basty sharty – ulttyq mádenıetińdi, ulttyq kodyń­dy saqtaı bilý. Olar saqtalmasa, esh­qandaı jańǵyrý bolmaı­dy» degen sózi, ásirese kıno salasy úshin qajetti qozǵaýshy sóz. Elbasymyzdyń osy baǵyt-baǵdary fılmniń ıdeıasyna negiz boldy. Endi mine, azdaǵan demalys­tan keıin, jasaǵan jumysyńa rejısser retinde emes, qarapaıym kórermen retinde baǵa berip, at­qarǵan jumystyń bári de beker bolmaǵanyn túsindim. Bir tynys­tap alyp, aýqymdy serıaldyń ekinshi maýsymyn túsirýdi qolǵa alyp otyrmyz, – dedi fılmniń rejısseri Rústem Ábdirash. 

On bólimnen turatyn jańa maýsymnyń ssenarıı avtorlary da burynǵy ssenarıster bolmaq.

– Tarıhı týyndynyń birinshi maýsymy Kereıdiń han taǵyna otyrýymen aıaqtalsa, ekinshi maý­symda qazaq memlekettiliginiń qa­lyptasýy men damýy, Jáni­bektiń taqqa otyrýy sýretteledi, – dedi rejısser. 

Sonymen qatar bul serıalda qazaq handarynyń máde­nı jáne ekonomıkalyq orda­sy – Syǵanaq qalasy úshin kórshi memlekettermen kúresi sýret­teledi. 

Aıta ketsek, «Qazaq han­dyǵy. Altyn taq» serıaly jaz aıynan bas­tap daıyndyq ke­zeńde boldy. Osy ýaqyt ara­lyǵynda ssenarıı jazylyp, qosalqy rólderge kastıng ótkizildi. Sonymen qa­tar negizgi dekorasııalar qaı­ta óń­delip, jańadan eki ınterer turǵyzyldy (Rábııa men báı­bisheniń bólmeleri). Rejıs­serdiń aıtýynsha, fılmniń birinshi maýsymyndaǵy qate­likteri men kemshilikteri osy joly tolyqtaı eskerilgen. Jyldyń sońyna deıin serıal­dyń 40 paıyzyn túsirý jos­parlanyp otyr. 

Joba prodıýseri Arman Áse­nov telehıkaıanyń ne­gizgi tú­si­rilim ju­mystary «Qazaqfılm» aýma­ǵynda tur­ǵyzylǵan de­korasııalarda, sonymen qatar, kınostýdııanyń pavılondarynda júrgiziletinin aıtty. Teleserıalda akterler quramy ózgermegen, alaıda, jańa maýsym jańa keıipkerlermen tolyǵady.

Aıgúl AHANBAIQYZY,
«Egemen Qazaqstan»

 ALMATY