Jıyndy sóz sóılep ashqan Aqmola oblystyq ishki saıasat basqarmasy basshysynyń mindetin atqarýshy Arhat Aıbabın «Rýhanı jańǵyrý» baǵdarlamasy boıynsha óńirimizde 107 joba qolǵa alynǵandyǵyn atap kórsetti. Solardyń eń bastylary Býrabaı, Qorǵaljyn jáne Zerendi aýdandarynda shoǵyrlanǵandyǵyn aıta ketken jón. «Býrabaı aýdany boıynsha «Abylaı han alańy» memorıaldyq stellasy, Ereımentaý aýdanynda «Qumaı» arheologııalyq kesheni salyndy jáne de Qorǵaljyn aýdanynda kóptegen sharýalar atqarylýda. Sonymen qatar bilim, mádenıet salasynda kóptegen sharalar nazardan tys qalmaǵan. Oblysymyz tabıǵı baılyqtary ǵana emes, sonymen birge rýhanı qundylyqtary da mol óńir sanalady. Sondyqtan da «Rýhanı jańǵyrý» baǵdarlamasy boıynsha úlken úles qosatynymyzǵa nyq senimdimiz», dedi A.Aıbabın.
Budan keıin sóz alǵan oblystyq ishki saıasat basqarmasynyń mamany, «Rýhanı jańǵyrý» baǵdarlamasynyń О́JO bas menedjeri Ásem Ázirbaeva aldaǵy atqarylar jumystarǵa keńinen toqtaldy. Atap aıtqanda, «Tárbıe jáne bilim» kishi baǵdarlamalary boıynsha 24 shaǵyn joba, «Rýhanı qazynaǵa» – 79 joba jáne ulttyq dástúrler men qundylyqtardy, ishki týrızmdi damytý jónindegi is-sharalar, «Atameken» kishi baǵdarlamasyna 4 joba qarastyrylyp otyr. «Tárbıe jáne bilim» atty kishi baǵdarlamanyń basty nazary qazaqstandyqtardy básekelestikke, pragmatıkalyq jáne ambısııalyq tulǵa retinde tárbıeleýge baǵyttalyp otyrǵanyn «Rýhanı jańǵyrý» baǵdarlamasynyń respýblıkalyq basqarmasynyń «Tárbıe jáne bilim» kishi baǵdarlamasynyń bas menedjeri, Bilim jáne ǵylym mınıstrliginiń mektepke deıingi bilim berý bóliminiń bas mamany Stella Ibraeva alǵa tarta sóıledi. Al elimizdiń qasıetti mekenderine engen tarıhı oryndary jaıynda sóz qozǵaǵan oblystyq mádenıet basqarmasynyń basshysy Sáýle Bóribaeva olardyń mańyzyn ashyp berýge tyrysty.
Onyń málimetine qaraǵanda, «Qazaqstannyń 100 qasıetti orny» respýblıkalyq tizimine 11 nysanmen birge 8 joba engen. «Ereımentaý aýdanynyń aýmaǵynda Qumaı biregeı arheologııalyq jáne etnografııalyq kesheni bar. Munda birneshe dáýirlerdiń eskertkishteri – qola dáýiri, erte temir dáýiri, ǵun, klassıkalyq túrki jáne etnografııalyq damý kezeńderi saqtalǵan. Eń mańyzdy eskertkishter – I-VI ǵasyrlarǵa deıingi Batys túrik qaǵanatynyń kezeńiniń tas músinderi. Osy keshenniń qurylysy bolashaqta ekologııalyq, etnomádenı jáne basqa da týrıstik qyzmet túrlerin damytý úshin alǵysharttar jasaıdy», dedi bas maman. Sondaı-aq óńirimizde «Atameken» kishi baǵdarlamasy sheńberinde 2017 jyly 4,8 mıllıard teńgege birneshe mádenı, tarıhı jáne áleýmettik nysandardy qaıta qurý jáne salý baǵytynda 57 joba qolǵa alynyp, júzege asyrylýda. Keńes otyrysy barysynda áleýmettik mańyzy bar jobalarǵa jurtshylyqty jáne qoǵam ókilderin tarta otyryp, keleshek urpaqty otansúıgishtikke, patrıotızmge tárbıeleý, qasıetti jerlerdi BAQ arqyly keńinen nasıhattaý máseleleri jan-jaqty kóterildi.
Asqar TURAPBAIULY,
«Egemen Qazaqstan»
