«Búgingi jıyn barysyn paıdalana otyryp, jas dramatýrgtermen jumys isteý nıetimiz bar ekenin aıtqym keledi. Ásirese, komedııa janrynda izdenip júrgen jas dramatýrgter bolsa, shyǵarmalarymen tanysýǵa, talqylaýǵa nıettimiz», – dedi teatr basshysy. Ol sondaı-aq, búgingi zamannyń kelbetin dál beıneleıtin shyǵarmalarǵa da teatr tarapynan suranystyń bar ekenin aıtty.
Aıta keteıik, Q.Qýanyshbaev atyndaǵy memlekettik akademııalyq qazaq mýzykalyq drama teatry jańa maýsymyn 26 qazan kúni M.Áýezovtiń «Abaı» tragedııasymen ashady. Spektakldiń qoıýshy rejısseri – QR eńbek sińirgen qaıratkeri Álimbek Orazbekov. «Abaı» tragedııasynda Abaıdyń aǵalyq jastaǵy rólin Qazaqstannyń Halyq ártisi Tilektes Meıramov somdasa, jas Abaıdy Eńbek sińirgen qaıratker Nurken О́teýilov oınaıdy.
Aıgúl SEIIL,
«Egemen Qazaqstan»
