«Jol júrý kezinde kólik apatynyń aldyn alý maqsatynda júrgizýshilerge avtokóliktiń dóńgelegin jazǵydan qysqy dóńgelekke aýystyrýǵa keńes beredi», - delingen Astana qalasynyń JPB taratqan aqparatta.
Sonymen qatar tártip saqshylary júrgizýshilerge kún raıynyń erekshelikterin eskerip, jyldamdyq rejımin belgilengen kórsetkishten asyrmaı, jol belgilerindegi nusqaýlar men kólik quraldarynyń turaqtaý erejelerin qatań qadaǵalaýǵa keńes beredi.
«Jaıaý júrginshilerge de jol júrý erejelerin saqtaý kerek. Ol úshin joldy tek ruqsat etilgen jerden ótýi tıis», - delingen habarlamada.
Astana qalasynda temperatýranyń tómendeýine baılanysty kóktaıǵaq bolady dep kútilýde.
Búgin Astanada kún bultty, jańbyr aralas qar jaýyp, kóktaıǵaq bolady. «Jel ońtústik-batystan, batystan 15-20 m/s soǵady. Temperatýra kúndiz jáne túnde +3...+5°S tómendeıdi», - delingen Qazgıdromet habarlamasynda.
Sınoptıkterdiń boljamynsha 25 qazan kúni Astanada kún raıy bultty, qar jaýyp, burqasyn soǵady. Jel batystan, soltústik-batystan 15-20 m/s soǵady. Túnde temperatýra -3...-5°S, kúndiz 0...-2°S.
Beısenbi kúni – kóshpeli bult, túnde azdaǵan qar jaýady. Jel soltústik-batystan 9-14 m/s soǵady. Túnde temperatýra -3...-5°S, kúndiz - 0....-2°S.
Aýa raıynyń tómendep, sýytýyna baılanysty kóktaıǵaq bolady dep kútilýde. Sondyqtan, qalalyqtar men astana qonaqtaryna kóshelerde abaı bolýyn eskertedi.
