Tokıo Halyqaralyq zertteýler ýnıversıtetinde (TUFS) ótken sharada Akademııa basshysy Darhan Qydyráli «Rýhanı jańǵyrý» baǵdarlamasynyń maqsat-mańyzyna arnalǵan mazmundy baıandama jasady. Sonymen birge, ýnıversıtettiń izdenýshileri men stýdentteriniń kókeıde júrgen suraqtaryna jaýap berdi.
Budan keıin Ortalyq Azııa taqyrybyn zertteýshi belgili japon sarapshylary Kımýa Satorý, Komatsý Hısao, Sakıı Hırokı, Tesý Akııama men Shımada Shızýo Elbasy N.Nazarbaevtyń atalǵan baǵdarlamasynyń ózektiligine qatysty paıymdy pikirlerin ortaǵa saldy. Sarapshy mamandardyń oıynsha, baǵdarlamada kórsetilgen mindetter Qazaqstandaǵy ǵylym, mádenıet salasyndaǵy jetistikterdi jańa sapaly deńgeıge kóterýge sep bolmaq.
Rýhanı jańǵyrýda kóterilgen keleli máseleler tóńireginde qundy pikirler aıtylǵan jıyndy qorytyndylaı kele D.Qydyráli qatysýshylarǵa rızashylyǵyn bildirdi.
