Taraptar álemdik baspasózdegi sońǵy trendter týraly sóz qozǵap, sıfrlyq jýrnalıstıkanyń bolashaǵy týraly oı bólisti. Sondaı-aq Asahı Shımbýn gazetiniń Halyqaralyq jańalyqtar bólimi redaktorynyń orynbasary Jýn Nojıma myrza zamanaýı tehnıkamen jabdyqtalǵan gazet baspasyndaǵy maqalalardyń qaǵaz betine basylyp, óńdelip, oqyrmanǵa jol tartý prosesimen egjeı - tegjeıli tanystyrdy.
Kezdesý sońynda taraptar eki gazet arasyndaǵy baılanysty keleshekte naqty kelisim men jobalar arqyly bekitý týraly ýaǵdalasty.
Aıta ketý kerek, Asahı Shımbýn Japonııadaǵy ǵana emes, álemdegi eń iri gazetterdiń biri. Basylym 6,2 mln tırajben kúnine eki ret shyǵady. Gazettiń álem boıynsha 320 ofısi men 39 bıýrosynda 4500 astam qyzmetker jumys isteıdi.
