Otandasymyz 28 qazan kúni jetinshi kezdesýin ótkizedi. Onyń bul jolǵy qarsylasy – kolýmbııalyq Karlos Padılla Meza.
Boks keshi AQSh-tyń Konnektıkýt shtatyna qarasty Mashantaket qalasyndaǵy «Foxwoods Resort Casino» kesheninde ótedi. Kásipqoı sharshy alańǵa 28 jastaǵy Karlos Padılla 2010 jyly kelgen. Osy ýaqytqa deıin 23 jekpe-jek ótkizip, sonyń 16-synda jeńiske jetken. 6 kezdesýde qarsylastaryna ese jiberse, bireýinde teń túsken.
«Qarsylasymdy búgin ǵana bilip otyrmyn. Sońǵy kezdesýin osy jyldyń tamyz aıynda amerıkalyq Ostın Dýlaımen ótkizipti. Tájirıbesi óz aldyna, ol sondaı-aq óte tózimdi eken. Qara kúshke ıe boksshynyń osal tustaryn da baıqadym. Endi barlyǵyn sharshy alań kóremiz», – deıdi Aıdar Sháribaev.
Esterińizge sala keteıik buǵan deıin kásipqoı boksta alty kezdesý ótkizgen Aıdar Sháribaev barlyǵynda jeńiske jetken bolatyn.
