Sharanyń maqsaty – Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy bastamalardy iske asyrý aıasynda jastarǵa rýhanı tárbıe beretin ıgilikti sharalardy uıymdastyra otyryp, otandyq ǵalymdardyń ulaǵatty isterin óskeleń urpaqqa nasıhattaý.
Alqaly jıynǵa otandyq jáne sheteldik ǵalymdar men joǵary oqý oryndarynyń qyzmetkerleri qatysady.
Konferensııa jaratylystaný ǵylymdarynyń birneshe seksııalary boıynsha uıymdastyrylady. Jıyn barysynda qazaqstandyq izdenýshilerdiń ǵylymı eńbekteriniń kórmesin ótkizý, bedeldi ǵalymdardyń stýdentterge arnalǵan sheberlik synyptaryn júrgizý josparlanǵan.
– Rýhanı jańǵyrý – bul adam sana-seziminiń, senimi men sapasynyń, bilimi men ómir súrý tásiliniń kórsetkishi. Qoǵamdyq sanany jańǵyrtýdyń basty faktory – sapaly bilim, básekege qabilettilik. Osy oraıda qazaqstandyq ǵalymdardyń shyǵarmashylyq, ǵylymı-zertteý jumystaryn nasıhattaý men ony keń kólemde jarııalaýda, jastardy jobalyq zertteý is-áreketterine tartýda jáne bilim berý úrdisiniń tıimdiligin kóterý men qoldanbaly ǵylymǵa degen qyzyǵýshylyqtaryn damytýda osy taqilettes jıyndardyń mańyzy zor, – dep atap ótti shara uıymdastyrýshylary.
Konferensııaǵa kelip túsken materıaldar negizinde arnaıy jınaq shyǵarý kózdelip otyr. Bul óz kezeginde elimizdegi izdenýshi jastarǵa, ǵylymı jumystarmen aınalysatyn ǵalymdar úshin mańyzdy teorııalyq jáne ádistemelik kómekshi quraly bolmaq.
