Joba aıasynda ǵylymı konferensııalar, semınarlar, trenıngter, taqyryptyq jáne sholý ekskýrsııalary, sondaı-aq «Nazarbaev modeli» kitabynyń tusaýkeseri tárizdi birqatar is-sharalar ótkiziledi. Joba sharalary Tuńǵysh Prezıdent kúnin, Qazaqstan Respýblıkasynyń Táýelsizdik kúnin merekeleýge oraı uıymdastyrylady.
Elbasy kitaphanasynyń jobasy ońtústik astanamyzdaǵy kópshiliktiń nazaryna usynylady. Jobanyń negizin Elbasy kitaphanasynyń qor jınaqtarynan quralǵan «N. Nazarbaev: dáýir, tulǵa, qoǵam» kóshpeli qor kórmesi quramaq. Kórme 10 qarasha kúni, saǵat 11.00-de Qazaqstan Respýblıkasynyń Ortalyq memlekettik mýzeıinde saltanatty túrde ashylady.
Kórmeniń negizgi maqsaty Qazaqstan Respýblıkasynyń Tuńǵysh Prezıdenti – Elbasynyń Táýelsiz Qazaqstannyń tarıhı ómirindegi rólin júıeli túrde keńinen kórsetý.
Kórermender nazaryna Elbasy kitaphanasynyń arhıv, kitaphana, mýzeı qorlarynyń materıaldary usynylatyn bolady: N. Á. Nazarbaevtyń joǵary memlekettik nagradalarynyń biregeı jınaǵy, Qurandar kitabynyń jınaǵy, memleket basshylary jáne qazaqstandyq avtorlar tartý etken qoltańbasy bar kitaptar, N. Á. Nazarbaevtyń shet tilderine aýdarylǵan eńbekteri.
Kórme saraptamalyq qaýymdastyqtyń, ǵalymdardyń bilim jáne mádenıet salalary mamandarynyń kezdesýleri ótetin orynǵa aınalmaq. QR OMM, Ál-Farabı atyndaǵy QazUÝ, Qazaq ulttyq agrarlyq ýnıversıteti, Abaı atyndaǵy Qazaq ulttyq pedagogıkalyq ýnıversıtetinde ǵylymı konferensııalar josparlanǵan. Ǵylymı-tájirıbelik, ádisnamalyq semınarlar QR Ortalyq memlekettik mýzeıinde jáne atalmysh joǵarǵy oqý oryndarynda júrgiziledi.
Kórmeniń jumysy barysynda ońtústik astanamyzdyń turǵyndary men qala qonaqtary taqyryptyq jáne sholý ekskýrsııalaryn tyńdaýǵa, qor kórmesimen, sondaı-aq, Elbasy kitaphanasynyń jumys baǵyttarymen tanysýǵa múmkindik alady.
«N. Nazarbaev: dáýir, tulǵa, qoǵam» kórmesi 2018 jyldyń 14 qańtaryna deıin jalǵasady.
