«Reseımen salystyrsaq, bizde jol qurylysynyń quny 30-35 paıyzǵa tómen, al Qytaıǵa qaraǵanda 70 paıyz arzan bolyp tur. Bul eldiń geografııalyq jaǵdaıyna, paıdalanylatyn materıaldardyń baǵasyna, salynatyn joldyń sıpattamasyna qaraı baılanysty bolady. Kóp elderde joldar ýaqtyly jóndelgennen keıin, oǵan jumsalatyn qarjy kóp bolmaıdy. Bizdegi joldar ótken 80-shi jyldary salynǵan, ıaǵnı olardy tolyqtaı buzyp, qaıtadan qurylys júrgizip jatyrmyz», - dedi Satjan Ablalıev.
Aıta keteıik, búgin Parlament Senaty Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysynda QR Investısııalar jáne damý vıse-mınıstri Tımýr Toqtabaev «Jetibaı-Jańaózen»jol ýchaskesin qarjylandyrýdyń mán-jaıyn túsindirip bergen bolatyn.
О́z kezeginde Satjan Ablalıev salynatyn joldyń qunyna toqtala kele, ol joldyń sanatyna qurylys júretin óńirge nemese jerdiń bederine baılanysty bolatynyn atap ótti. «Jetibaı-Jańaózen» jol ýchaskesi jobasynda 1 shaqyrymy (birinshi sanattaǵy tórt jolaqty jol) 1,2 mln dollar shamasynda, ıaǵnı 400 mln teńge kóleminde.
«Basqa óńirlerde eldi mekenderge jaqyn jerlerde jáne jasandy qurylystar kóp jerlerde jol qurylysynyń quny 600 mln teńgege deıin jetedi», - dedi S. Ablalıev.
Atalǵan qarjy 73 shaqyrym aralyqtaǵy tórt jáne eki jolaqty qozǵalysy bar asfalt-betondy joldyń qurylysyna baǵyttalady. Sonymen qatar bir jol aıryǵy, eki kópir, 19 sý ótkizý qubyry salynady. Joba 2017-2019 jyldary júzege asyrylady.
