Dese de, kepildik berý týraly shartqa qol qoıý úshin qurylys salýshylardyń barlyǵy sáıkes kelgen joq. Keıbir kompanııalar qajetti qujattardy tıisti deńgeıde qamtamasyz ete almady. Endi bireýleri qurylys salýshylardyń kepildik jarnanyń joǵary mólsherlemesin atap ótti. Degenmen, bir jyl ishinde Kepildik berý qory eki qalada salynyp jatqan úıler boıynsha eki kepildik berdi. Olar – Astana qalasyndaǵy «Mıllenıým park» turǵyn úı kesheniniń bir seksııasy men Almaty qalasyndaǵy «Legenda» turǵyn úı kesheniniń birinshi kezegi. Osylaısha qor kepildigi osy turǵyn úılerden úles satyp alýǵa nıet bildirgen azamattarǵa qandaı jaǵdaı bolmasyn páterleriniń kiltin alýdy qamtamasyz etedi.
Keshe Astana qalasynda «Báıterek» ulttyq basqarýshy holdıngi janynan qurylǵan Turǵyn úı qurylysyna kepildik berý qory úlestik qurylys boıynsha konsýltatıvtik keńes ótkizdi. Otyrys barysynda qordyń basqarma tóraǵasynyń orynbasary Aıgúl Jumataeva sóz sóılep, jer telimin alý boıynsha tilshilerdiń saýaldaryna jaýap berdi.
«Búgin talqylanatyn máseleniń biri qurylysqa jer telimin alýǵa qatysty bolady. Qazirgi kezde qordyń kepildigin alý úshin jer telimine ıe bolý kerek, ıaǵnı menshik ıesi nemese uzaq merzimdi jalǵa alý quqyǵy boıynsha jeri bolýy qajet. Jer kodeksi aıasynda qysqa merzimdi jalǵa alý quqyǵyndaǵy jer ýchaskesin kepilge usynýǵa tyıym salynǵan», dep túsindirdi A.Jumataeva. Onyń sózine qaraǵanda, jergilikti atqarýshy organdar jer telimderin qysqa merzimdi jalǵa beredi. «Osy turǵyda bizge jerdi paıdalaný quqyǵy merzimin uzartý úshin jergilikti atqarýshy organdarǵa jolyǵý kerek. Bizde Astana men Almaty ákimdikterimen bekitilgen tıisti memorandýmdar bar. Atap aıtqanda, jalǵa alý merzimin arttyrý boıynsha qujattardy qarastyrý prosesin jyldamdatýǵa jaǵdaı jasamaqpyz», dedi ol.
Mamannyń aıtýynsha, basty maqsat – qor kepildigin alý úshin óńirlerdi barynsha kóptep tartý. «О́zderińiz bilesizder, qor kepildigi úleskerdiń óziniń páterine mindetti túrde qol jetkizýine jaǵdaı jasaýǵa negizdelgen. Iаǵnı, qurylys salýshynyń múmkindigi sarqylsa, turǵyn úı qurylysy turalap qalmaıdy. Bul baǵyttaǵy jumystardyń barlyǵyn qor óz moınyna alady. Búginde óńirlerde bizge ótinim jasap jatqan birneshe jobalardy qarastyryp jatyrmyz», dedi qordyń basqarma tóraǵasynyń orynbasary.
Qordyń Tehnıkalyq monıtorıng departamentiniń dırektory Jánibek Mańqaraev osy ýaqytqa deıin qurylys kompanııasy turǵyzǵan úıdiń úleskerler qolyna tııýine ǵana kepildik berilse, endi zań negizinde turǵyn úıdiń sapasy men úleskerler qarjysyn tıimdi paıdalanýdy qadaǵalaý da qorǵa júktelip otyrǵanyn aıtty. «Bul jerde biz shart jasasqan ýákiletti organ qurylysty túrli sebeptermen aıaqtaı almaǵan jaǵdaıda, respýblıkalyq bıýdjetten túsken qarajatymyz arqyly nysandy turǵyzyp, úleskerlerge tapsyramyz. Munda úlesker tarapynan bizge eshqandaı aqsha salýdyń keregi joq ekenin, al qurylys kompanııasy kepildik mólsherin ǵana aýdaratynyn aıta ketken jón. Shyǵyndar bos páterlerdi, ózge de ámbebap nysandardy satý arqyly jabylady. Jyl aıaǵyna deıin Astana men Almaty qalalarynda, Ońtústik Qazaqstan men Qaraǵandy oblystarynda 5-6 turǵyn úı keshenine kepildik berý josparlanýda», dedi ol.
Ashat RAIQUL,
«Egemen Qazaqstan»
