BASPANA ÝAQYTYNDA BERILEDI

Keńeste negizinen qaladaǵy birqatar qu­rylystardy moınyna alǵan “Asta­nastroı­ınvest” JShS-niń nysandaryn aıaqtaý, turǵyn úı keshenderine qarjy bólingennen keıin ony maqsatty paı­dalaný jóninde máseleler qaraldy. Osy másele boıynsha óziniń pikirin bildirgen qala ákiminiń oryn­basary qazir Astanada úleskerlerdiń máse­lesin sheshý úshin ákimdik tarapynan bar­lyq jaǵdaıdyń jasalyp jatqanyn, sońǵy eki jyldan beri 26 000 azamattyń baspanaly bolǵa­nyn, sonyń ishinde ótken jyly 1 335 úleskerge páter kiltteriniń tapsyryl­ǵanyn aıtyp, osy jyly taǵy 2 400 úles­kerdiń má­se­lesi sheshiletinin atap ótti. Al kún tár­ti­bindegi másele boıynsha ol my­nadaı máli­met­termen bólisti. Qazir “Alıans­stroı­ınvest” JShS qaladaǵy úleskerlerdiń qar­jysyna turǵyn úıler salyp jatqan kom­pa­nııalardyń biri bolyp tabylady. Sońǵy kezderi úlesker­lerdiń qarjysyna úı sala­myz dep halyq­tyń aqshasyn jymqyrǵan oqıǵalardyń bolǵany belgili. Sondyqtan keıbir aza­mattardyń merziminde baspanaly bolmaı qalýyna alańdaıtyn jónderi bar. Degen­men, “Alıansstroıınvest” JShS-niń salyp jatqan nysandarynyń der kezinde aıaqtalatynyna senýge bolady. О́ıtkeni, qazir bul kompanııa “ATF Bank” AQ pen “Samuryq-Qazyna” jyljymaıtyn múlik qory” AQ-pen úsh jaqty kelisim jasa­sý­da. Sonyń nátıjesinde Úkimettiń eko­no­mıkany turaqtandyrý jáne qurylys salasyn qoldaý sharalary aıasynda “Alıansstroıınvest” JShS atalmysh qordan ózi turǵyzyp jatqan “Infınıtı” turǵyn úı kesheniniń birinshi kezeginiń qu­rylysyn júrgizýge 1 740 134 000 teńge, al ekinshisine 2 186 112 000 teńge alyp otyr. Sol sekildi “Grasııa-2” jáne “Gra­sııa-3” turǵyn úı keshenderin qarjy­landyrýǵa “Samuryq-Qazyna” JMQ” AQ-tan 821 727 000 teńge bólinse, “ASI 33/23” turǵyn úı nysandaryna 1 862 421 000 teńge qarastyryldy. Munymen qosa, “ATF Bank” AQ-tyń kompanııanyń “Grasııa-1” jáne “Grasııa-3” keshenderin bi­tirýge bólgen qarjysy 427 334 400 teńge jáne 135 001 500 teńge, “Orman alańy” turǵyn alqabynyń ekinshi jáne úshinshi ke­zegin aıaqtaýǵa bergen qarjysy 223 631 850 teńge jáne 880 561 800 teńge qurady. Osy jerde “Alıansstroıınvest” JShS-niń bas dırektory Rınat Naı­manov turǵyn alańy boıynsha mynadaı málimetter keltirdi. Onyń aıtýynsha, qazir “Orman alańynyń” qurylysy boıynsha jumystar qaıta bastaldy. Onda isteıtin jumysshylar sany 200-ge kóbeıtildi. Osy kúnderi №6 úıdiń ekinshi kezeginiń qurylysyna jylý jiberilip, ǵımaratty árleý úshin jylytý jumys­tary júrgizilýde. Jaqynda №13 úıdiń tórtinshi kezeginiń qurylys-montaj jumystaryna daıyndyq bastaldy. Ony osy jyldyń birinshi toqsanynda aıaqtaý josparlanyp otyr. Al turǵyn úı alańynyń tórtten jetinshige deıingi kezekteri týraly aıtqanda, ol qazir kompanııanyń olardy aıaqtaý jáne qarjylandyrý máselesiniń “ATF Bank” AQ jáne “Samuryq-Qazyna” JMQ” AQ-pen úsh jaqty kelisim-shart boıynsha qarastyrylyp jatqanyn, qury­lystyń segizinshi kezegin qarjylandyrý máselesi “Samuryq-Qazyna” qorynyń ózimen kelisilip otyrǵanyn aıtty. Keńeste turǵyn úıler qurylysyn ýaqytynda bitirý máselesi qaraldy. Qala ákiminiń orynbasary “Samuryq-Qazyna” qorymen jáne ekinshi deńgeıli bank­­termen birigip istelinip jatqan jumys­tardyń kóptegen azamattardyń baspanaly bolýyna múmkindik berip otyrǵanyn, osynyń nátı­jesinde qazir qala boı­yn­sha úleskerlerdiń qatysýymen turǵy­zy­lyp jatqan 61 nysannyń ǵana qalǵanyn, onyń kezeginde 12 900 adamnyń turǵanyn aıtyp, ákimdik osy jyly úleskerlerdiń máselesin sheshýge bar kúshin salatynyn jetkizdi. Onyń aıtý­ynsha, osy máselege baılanysty ákimdik birneshe kompanııa­men birigip jumys isteýde. Sonyń ishinde birqatar turǵyn úı nysanda­rynyń qurylysyn moınyna alǵan “Alıans­stroı­ınvest” JShS de bar. Osy jerde atal­mysh JShS basshysy keńeske qaty­sýshylarǵa bıylǵy jyly nysan­dardyń bári kezegimen tapsyrylatynyn aıtty. Onda ol “Orman alańy” kesheniniń №№ 6, 7, 8, 9, 10, 11 jáne 12 úıleri naýryz ben tamyz aılarynyń aralyǵynda, “Grasııa-1” shil­dede, “Grasııa-3” mamyr aıynda, “Infı­nıtı” turǵyn úıiniń birinshi jáne ekinshi kezegin shilde men jeltoqsan aıynda aıaqtaý josparlanyp otyrǵanyn, al osy jyly “ASI 33/23”, “Grasııa-2”, “Grasııa-4” nysandary men “Orman alańy” turǵyn úı kesheniniń tórtinshi jáne jetinshige deıingi ke­zeginde osy jyly bastalatyn qurylys-mon­taj jumystary jazǵa deıin aıaqtala­ty­nyn atap ótti. Jalpy, onyń sózinen belgili bolǵandaı, JShS óz isine ózge kompa­nııa­lar sııaqty nem­quraıly qara­maı, 2002 jyl­dan beri 500 000 sharshy metr bola­tyn 17 ny­sandy tapsyrǵan. Olardyń qurylys-montaj jumystaryna bólingen 40 mlrd.teńgeni tolyǵymen ıgergen. Qazir kompanııa jumys­shylarǵa jáne qury­lys materıaldaryna qaryz bolǵan 80 mln. teńgeni ótep otyr. Bu­dan basqa JShS-niń 50 mln. teńge kó­leminde qa­ryzy bar. Bul qarjyny kompanııa to­lyǵymen óteıtinine senimdi. Dastan KENJALIN.