Qazir oblysta 27 676 múgedek jandar turady. Onyń ishinde 2594 balalar. Oblysta 2003 jyldan bastap, qala men aýyldarda múgedek jandardyń júrip-turýyna qoǵamdyq oryndarda qolaılylyq jasaý isi bastalǵan bolatyn. Onda áleýmettik jáne kólik ınfraqurylymdary jasalyp, múgedekter kedergisiz júre alatyn boldy. Ondaı oryndar qazir barlyq nysandardyń 80 paıyzyn quraıdy. Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnar Ábenova múgedekterge arnalǵan áleýmettik taksı Qostanaı, Arqalyq, Rýdnyı qalalarynda qyzmet kórsetetinin aıtty. Bul qyzmetti jyl saıyn 600 múgedek paıdalanady. «Invataksı» múgedek jandardyń kóptegen problemalaryn ózderi sheshýine múmkindik jasap otyr. Sondyqtan qyzmettiń bul túrin tek damyta berý kerek dep oılaımyz, - dedi Gúlnar Ábenova.
Forýmda jaqsy jetistiktermen qatar, ózekti, sheshimin kútken máseleler de aıtyldy. «Úmit-Nadejda» qoǵamdyq birlestigi kóptegen múgedek jandardyń ómirge beıimdelýine kómek beredi. Onyń basshylarynyń ózderi de arbada otyrady. Soǵan qaramaı olar jalǵa alyp otyrǵan ǵımarat úshin osy ýaqytqa deıin aqyny ózderi tólep keledi. Forýmǵa qatysqan oblys ákimi Arhımed Muhambetov dál qazir ǵımarat salyp berýge múmkindik bolmasa da, aldaǵy ýaqytta munyń jaǵdaıyn qarastyratynyn aıtty.
Forýmda óńir basshysy áleýmettik qorǵaý salasy qyzmetkerlerin kásibı merekesimen quttyqtady. Úzdik qyzmetkerlerdi marapattady.
Názıra Járimbet,
«Egemen Qazaqstan»
QOSTANAI
