Jıyn barysynda oblys basshysy jyl sońyna deıin óńirde «Rýhanı jańǵyrý» atty mýzeı ashý josparlanyp jatqanyn baıandady.
«Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynda kórsetilgen mindetter óńirimizde josparǵa saı júzege asyrylyp keledi. Latyn álipbıin qoldaý, Týǵan Jer jáne de baǵdarlamanyń basqa da baǵyttardy oblys turǵyndary belsendi qoldaıdy. Oblysymyzdan Qasıetti oryndar tizimine aldymen ortaǵasyrlyq «Jaıyq» qalashyǵy men «Bókeı Ordasy» tarıhı-mýzeı kesheni kirse, qazir olardyń sany altaýǵa jetti. Iаǵnı, qosymsha Taqsaı qorǵan kesheni, (b.z.d VI-V ǵ.) Jumaǵazy haziret (HIH ǵ), Ǵumar Qarash zıraty jáne Jympıtydaǵy Alashorda mýzeıi. Sonymen qatar, óńirimizde jyl sońyna deıin «Rýhanı jańǵyrý» atty mýzeı ashý josparlanýda. О́ńirimizden Qasıetti Qazaqstan tizimine engen tarıhı oryndardyń kóshirmeleri, latyn tilinde shyqqan baspasóz, Alash muralary jáne táýelsiz Qazaqstannyń búgingi jetistikteri qamtylmaq. Sonymen qatar, atalǵan baǵdarlama boıynsha 20 joba jáne 113 kishi joba júzege asyrylýda» dedi Altaı Kólginov.
Raýan Qaıdar,
"Egemen Qazaqstan"
