Kún tártibindegi kóptegen semınarlar men kezdesýler, óńirdegi sharalar kesheni dástúrli emes dinı aǵymdardyń taralýyna qarsy is-qımyl júrgizýge baǵyttalǵan. Ásirese, dástúrli emes dinı aǵymdardyń jaqtaýshylaryna erekshe nazar aýdarylyp, jeke túsindirý jumystary júrgizildi. Sarapshylar Qostanaı, Lısakovsk qalalaryndaǵy meshitterde osy sanattaǵy azamattarmen jeke áńgimelesti.
Protestanttyq dinı birlestikterdiń ǵıbadat obektilerinde din salasyndaǵy zańnamany túsindirý jumystary júrgizildi.
«Rýhanı-adamgershilik negizderin ashý ̶ shıelensterdiń aldyn alýǵa, qoǵamda ornyǵýǵa, ekstremızm men terrorızm syndy dinı qaýip-qaterlerge qarsy turýǵa múmkindik beredi»,- deıdi jıynda sóz alǵan delegasııa múshesi, L.N.Gýmılev atyndaǵy Eýrazııa ulttyq ýnıversıteti fılosofııa kafedrasynyń aǵa oqytýshysy, dintanýshy - Tolǵanaı Mustafına.
- «Búgingi tańda dinniń róli saıası arenada kún sanap artýda. Bul, óz kezeginde, dindi saıası maqsatta paıdalaný múmkindiginiń artqandyǵyn bildiredi. Sonymen qatar, dinniń róli mádenıet jáne qoǵamdyq qatynastarda da óskendigin aıta ketý kerek. Biraq, saraptap qaraıtyn bolsaq, ózgerister kezinde dinniń ózi emes, onyń burmalanǵan beınesi kórinis beredi. Ásirese, burmalanǵan saıasatta, din eń óreskel túrde paıdalanylady. Dinı negizdegi belsendi partııalarda ekstremızm elementteri jıi baıqalady»,-deıdi sarapshy.
Jalpy alǵanda, halyqtyń dinı saýattylyǵyn arttyrýdy maqsat etken is-sharalarǵa Qostanaı qalasy men oblys aýdandarynyń turǵyndary, óńirdegi qoǵamdyq keńestiń músheleri, memlekettik jáne quqyq qorǵaý organdary, din, BAQ, eńbek ujymdary, oqytýshylar, muǵalimder, stýdentter, jáne de oqý oryndarynyń qyzmetkerleri qatysty.
Delegasııa quramyna atalǵan saladaǵy jetekshi sarapshylar kirdi. Olardyń qatarynda: Imanbaev Meıram О́tkilbaıuly – Din ister komıteti dinı qyzmet salasyndaǵy quqyq qoldaný praktıkasy basqarmasynyń jetekshisi, Irjanov Rýslan Samarhanuly - «Bilim» QB dırektory, Mustafına Tolǵanaı - L.N.Gýmılev atyndaǵy Eýrazııa ulttyq ýnıversıteti fılosofııa kafedrasynyń aǵa oqytýshysy, dintanýshy, Jańaqov Berikbol - Astana q. «Áljan Ana» meshitiniń naıb ımamy, Gaıko Olga Aleksandrovna – din máseleleri jónindegi ǵylymı-zertteý jáne taldaý ortalyǵynyń ǵylymı qyzmetkeri bar.
