Vıacheslav Zashıtın 24 maýsym kúni otbasymen Novo-Shýlba sý qoımasynyń jaǵasynda demalyp jatqan bolatyn. Kenet aıdynda tolqyn kóterilip, ústinde eki áıel men alty jasar bala qalqyp júrgen matrasty aýdaryp tastaıdy. Bala birden batyp ketedi. Vıacheslav júgirip jetken kezde sýda eki-aq adam qalǵan edi. Zashıtın birden kómekke umtyldy: áýeli batyp bara jatqandardyń birin jaǵaǵa alyp shyqty da ile úsh júz metrdeı jerde batyp bara jatqan ekinshi adamǵa qaraı júzdi. Vıacheslav ony da ajal aýzynan qutqaryp qaldy. Kelesi kúni Zashıtın batyp ketken balanyń múrdesin izdesti.
– Bala kezimde jeti jyl júzýmen aınalystym, - deıdi erjúrek azamat. – О́z múmkindigimdi bildim. Sýda kúshimdi uzaǵyraq saqtaý úshin jaǵalaýda kóp júgirdim. Bárin aqylmen isteý kerek, qutqarýdy da.
Biraz ýaqyt ótkennen keıin ShQO tótenshe jaǵdaılar departamenti Vıacheslav Zashıtındi sýǵa batqan adamdy qutqarǵany úshin medalmen marapattaý týraly buıryq shyǵardy. Ol marapat Qutqarýshy kúnine oraı metallýrgter saraıynda ótken sharada saltanatty túrde tapsyryldy.
- Tegi de tegin qoıylmaǵan azamat áreketsiz qalar ma edi? – dep oılaıdy kásibı qutqarýshylyr. – О́z ómirin qaterge tigip, adamdy ajaldan arashalap qaldy, bul – naǵyz erlik.
Vıacheslav marapatqa rızashylyǵyn bildirdi, biraq ony keremet erlik dep sanamaıtynyn aıtty. Bir este qalarlyǵy – ol basynan ótken bul jaıtty ujymynda da tis jaryp eshkimge aıtqan joq, onyń jasaǵan erligin tanystarynan belgili boldy.
Vıacheslav Zashıtın eren erligi úshin ShQO TJD-niń marapatynan basqa «Kazsınk» kompanııasynyń, sondaı-aq uıym kásipodaǵynyń syılyqaqysyna ıe boldy.
Azamat QASYM,
«Egemen Qazaqstan»
О́SKEMEN
