Bas hatshy bolyp qaıta saılandy

Pleným barysynda Qytaı Kommýnıstik partııasy Orta­lyq komıtetiniń Saıası bıýrosy da eleýli ózgeristerge ushy­­­ra­­dy: burynǵy quramnan Sı Szın­­­pınnen basqa QHR mem­l­e­­ket­tik premeri Lı Kesıan qal­dy. Jańa Saıası bıýro­nyń qura­my­na 25 adam endi. Olar­dyń bireýi ǵana áıel. Son­daı-aq QKP Ortalyq komıte­tiniń jańa quramyna 202 adam saılandy.

Eske salsaq, Qytaı Kommý­nıs­tik partııasynyń XIX sezi óz jumysyn 18 qazan kúni bas­taǵan bolatyn. Bul alqaly jıyn­ǵa arnaıy shaqyrylǵan qonaq­tardy qosa eseptegende 2,3 myń delegat qatysty. Sezd barysynda tóralqada el­diń qazirgi basshylarymen birge burynǵy QKP Ortalyq komı­tetiniń bas hatshylary men QHR memlekettik keńesiniń pre­merleri Szıan Szemın, Chjý Jýnszı, Hý Szıntao, Ven Szıabao jáne Lı Pen qatar otyrdy.

Sezdiń delegattary Qytaı Kommýnıstik partııasynyń jarǵy­syna engizilgen ózgeris­terdi bekitti. Onyń ishindegi ma­ńyzdysynyń biri dep par­tııanyń basty qujatynyń mátinine Sı Szınpın esiminiń jazylǵanyn aıtýǵa bolady. Bul degenińiz, QHR-diń qazir­gi tóraǵasyn ataqty Mao Sze­dýn jáne Den Sıaopınmen qatar qoıǵan tarıhı oqıǵa. Taǵy bir atap ótetin jaıt, Sı Szınpınnen buryn partııa qujatyna kózi tirisinde esimi jazylǵan bir ǵana basshy boldy, ol – Mao Szedýn.

Basty jıynda Qytaıdyń sosıalızm ıdeıasynan bas tart­paıtyndyǵy aıtyldy. Qytaı basshysy Sı Szınpın sezde jasaǵan baıandamasyn­da ekonomıkanyń negizgi tiregi ishki suranysty yntalandyrý jáne jańa tehnologııalar eken­digin atap aıtty. Sezde ald­a­ǵy az ǵana jyl ishinde elde kedeı­shilikti joıyp, 2035 jylǵa qa­raı «orta dáýletti qoǵam» qurý jospary jarııa etildi. 

Sonymen qatar Sı Szın­pın Qytaı 2035 jylǵa qaraı AQSh-ty álemdik ekono­mı­kadaǵy birinshi ornynan ysyrýy ábden múmkin degendi emeý­rin­men bildirdi. «Qytaı eko­nomıkasy álemdegi ozyq elder arasyndaǵy kóshbas­shylyq po­zısııasyna ıe bola otyryp, ortasha joǵary ósý ekpinin saq­tap qala aldy. 54 trln ıýan­­nan 80 trln ıýanǵa deıin ós­ken IJО́ kórsetkishi boıyn­sha Qytaı álemde ekinshi orynǵa nyq taban tiredi», dep málimdedi Qytaı basshysy. Sondaı-aq ol Qy­taıdyń álemdik ekono­mı­ka­­nyń ósýine qosqan úlesi 30 pa­ıyzdan asqanyn da atap ótti.

Sezde jasaǵan baıandama­synda QHR memlekettik pre­meri Lı Kesıan týrızm máse­­lesine basa mańyz berdi. Aqy­ly demalys túrin engizýdi qazir­den bastap, osyǵan baılanysty ishki týrızm jáne kólik ınfraqurylymyna ınvestısııa quıý josparlanǵanyn tilge tıek etti. «Biz kele jatqan jap­paı týrızm dáýirin qarsy alýǵa daıyn bolýymyz kerek», dedi premer. 

Qytaıdyń jańa onjyl­dyq­qa arnalǵan ekonomıkalyq ósý josparynda ortalyq já­ne batys provınsııalardy kóterý jos­pary da erekshe na­­zar aýdara­dy. Sonymen qatar Qytaı Kom­­mýnıstik par­­­tııa­­sy al­daǵy ýaqyt­ta qala­lar men selo­­lar­­daǵy tirkeý­di rásim­deý­ge qo­ıyl­­ǵan shekteý­lerdi jum­­­sart­paq. Eski turǵyn úı qo­ryn­­daǵy 6 mln páterdi qaıta jańar­tý da jos­­par­da bar ekeni aıtyldy. 

Qytaı KP-nyń XIX sezinde partııa­nyń bes jyldaǵy ju­my­­synyń qorytyndysy qara­­lyp, Qytaıdaǵy jáne bas­qa da elderdegi qoǵamdyq-eko­no­­­mı­ka­lyq jáne saıası ahýal tal­qy­landy. Sondaı-aq eldiń ja­qyn jyldardaǵy strategııalyq damý joly naqtylandy.
Jalpy, Qytaı KP-nyń XIX sezi álem elderiniń zor qyzyǵýshylyǵyn týdyrdy. Aspanasty eliniń alqaly jıynynan álemniń 134 elinen kelgen 1818 jýrnalısimen birge qytaılyq myńnan astam jýrnalıst aqparat taratty.

Qaırat ÁBILDA,
«Egemen Qazaqstan»