Ortalyq qyzmetkerleri buǵan deıin ózdiginen júrip-tura almaıtyn, qol arbaǵa tańylǵan ardagerlerdi joǵary qabattarǵa óz kúshterimen kóterip shyǵaryp júripti. Endi jańa qurylǵynyń kómegimen qolarbada otyrǵan qarııalardy joǵarǵy-tómengi qabattarǵa emin-erkin kóterip-túsirýge bolady.
«Myna qurylǵy óte qolaıly eken. Budan bylaı bizge qaraılasatyn áleýmettik qyzmetkerlerdi burynǵydaı kóp áýrege túsirmeıtin shyǵarmyz. Jańa qurylǵy osy mekemedegi qolarbamen júrip-turatyn qatarlastarymyzǵa úlken kómek bolady dep oılaımyn. Igi iske uıytqy bolǵan jandarǵa erekshe alǵysymyzdy aıtamyz», deıdi Qarttar úıi turǵyndarynyń biri, ózi de qolarba kómegine júginetin qarııa Aleksandr Serebrıakov.
«Qazsınk» kompanııasynyń О́skemendegi kásipodaq uıymynyń tóraǵasy Nıkolaı Potapenko jýyqta osynda is-shara ótkizgende ardagerler tarapynan jańa qurylǵynyń qajettigi jóninde ótinish túskenin aıtady. «Bizdiń kompanııa ardagerlerdi eshýaqytta nazardan tys qaldyrǵan emes. Árdaıym qoldap, qoshtap, demep otyrady. Jalpy, aǵa býyn ókilderine qandaı qurmet kórsetsek te artyqtyq etpeıdi», deıdi ol.
Azamat QASYM,
«Egemen Qazaqstan»
О́SKEMEN
