Bir kezde tarıh bederinde biz mundaı qadamdy jasaǵanbyz. Balalarymyzdyń bolashaǵy úshin osyndaı sheshim qabyldaýǵa tıispiz jáne bul álemmen birlese túsýimizge, balalarymyzdyń aǵylshyn tili men ınternet tilin jetik ıgerýine, eń bastysy – qazaq tilin jańǵyrtýǵa jaǵdaı týǵyzady» – dep atap kórsetti.
Buqaralyq aqparat derekterine súıensek, búginde álemniń 70% elderi latyn jazýy arqyly bilimdi ıgerip, ǵylymı-zertteýlermen tanysýda. Bul – bilim, ǵylym, saıasat pen tehnıka, mádenıet pen óner, sport, t.b. qatysty jazbasha aqparattyń barlyǵy derlik latyn grafıkasymen beriledi, qoǵamdyq ómirdegi jańalyqtardyń basym bóligi osy grafıkanyń negizinde taralady degendi bildiredi. Demek latyn álipbıiniń Otanymyzdyń álemdegi damyǵan 30 eldiń qataryna qosylý talabynyń oryndalýy jolynda mańyzdy ról atqaratyny sózsiz.
Álipbıdi latynmen aýystyrǵanda utatynymyz: birinshiden, til tazalyǵy máselesi. Tilimizdegi qazirgi jat dybystardy tańbalaıtyn áripterdi qysqartyp, sol arqyly qazaq tiliniń tabıǵı taza qalpyn saqtaýǵa múmkindik alamyz. Ekinshiden, basy artyq tańbalarǵa qatysty emle, erejeler qysqarady. Úshinshiden, latyn álipbıine kóshý – qazaq tiliniń halyqaralyq dárejege shyǵýyna yqpal etedi. Qazaq tiline kompıýterlik jańa tehnologııalar arqyly halyqaralyq aqparat keńistigine kirigýge tıimdi jol ashylady. Tórtinshiden, túrki dúnıesi, negizinen, latyndy qoldanady. Olarmen rýhanı, mádenı, ǵylymı, ekonomıkalyq qarym-qatynasty, tyǵyz baılanysty kúsheıtemiz.
Latyn álipbıine kóshý – qazaq halqynyń alǵa jyljýyna, jańa zaman talabyna saı ósip-órkendeýine, bolashaqta elimizdiń jan-jaqty damýyna zor úles qosary sózsiz. Latyn álipbıine kóshe otyryp, órkenıetti elderdiń qataryna qosylyp, tilimizdegi dybystyq júıelerdi anyqtap, qazaq tiliniń jazylýy men dybystalý kezinde sózder qoldanysyndaǵy artyq kirme sózderden arylamyz. Latyn álipbıine kóshý bolashaq úshin mańyzdy.
Shaǵangúl JANAEVA,
Muhtar Áýezov atyndaǵy pedagogıkalyq kolledjdiń dırektory
SEMEI
