Is-sharaǵa Májilis depýtaty Serik Seıdýmanov, Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, BUU Damý baǵdarlamasynyń ókilderi qatysty.
Alqaly jıynda sóz alǵan Májilis depýtaty Serik Seıdýmanov eń aldymen gender sózine tereńirek mán berý kerektigin alǵa tartty. Ol gender sózi áıel zatyna ǵana qatysty emes ekenin, onda otbasy máselesi de qaralatynyn aıtty. Sonymen qatar qoǵamda keńinen nasıhattalmaǵandyqtan genderlik bıýdjettendirý uǵymyn kópshilik túsine bermeıtinin, aldaǵy ýaqytta osyndaı is-sharalar jıi uıymdastyrylyp turýy qajettigin sóz etti.
Budan bólek Serik Seıdýmanov atalǵan qaǵıdaǵa qatysty qujattardyń bári memlekettik organdarǵa qoljetimdi bolýyn qarastyrýdy usyndy.
Búginde álemniń 100 elinde genderlik bıýdjettendirý máselesine qatysty túrli bastamalar qoldaý taýyp keledi. Al Kanada, Avstralııa, Shvesııa, Fransııa, Norvegııa, Ispanııa sekildi memleketterde negizgi mindetterdiń birine aınalyp otyr.
– Bul jańadan kóterilip otyrǵan másele. О́zimniń oıymsha bul elimizde kerek qaǵıda. Biz oǵan daıynbyz. Osy bastamanyń arqasynda qarjynyń qaı jaqqa qandaı kólemde bólinip jatqanyn bilip otyrýǵa bolady. Endi osy tusta bir máseleni alyp qaraıyq, qazir mektep muǵalimderiniń basym bóligi áıel adamdar ekeni jasyryn emes. Al er-azamattardyń bul salada azaıyp ketýine jalaqy máselesi sebep bolyp otyr. Bolashaq jastardyń qolynda. Al oqýshylarǵa joǵary deńgeıde bilim berý úshin er adamdardyń orny zor, – dedi Soltústik Qazaqstan oblystyq máslıhatynyń depýtaty Baqytjan Samıeva.
Al Qazaqstandaǵy «BUU-áıelder» baǵdarlamasynyń mamany Gúlnár Smaıylova genderlik bıýdjettendirýge qysqasha túsinik berip ótti. Onyń aıtýynsha, ol er men áıel adamnyń, qyz ben ul balalardyń múddelerin, olardyń qajettilikterin birizdilikpen ári ádiletti túrde esepke alatyn bıýdjet bolyp esepteledi.
Qazaqstan Respýblıkasynyń bıýdjetinde genderlik maqsattaǵy is-sharalarǵa qarajattyń qarastyrylatynyn aıta ketken jón. Sondaı-aq genderlik bıýdjettendirýdi engizý isi taıaýda qabyldanǵan «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynyń» negizgi mindetteriniń birine aınaldy.
Aıan ÁBDÝÁLI,
«Egemen Qazaqstan»
