20 jyldyq mereke saltanaty

Ústimizdegi jyldyń 27-30 qazany aralyǵynda Máskeý jáne Sankt-Peterbýrg qalalarynda Reseı Federasııasy Konstıtýsııalyq So­ty­nyń 20 jyldyǵyn merekeleýge arnalǵan saltanatty is-sharalar ótýde. Atalǵan mereıtoılyq is-sharalarǵa Reseı Federasııasy memlekettik bılik organdarynyń birinshi basshylary, bedeldi halyq­aralyq uıymdar men quqyq qorǵaý ınstıtýttarynyń, sondaı-aq shetelderdiń konstıtýsııalyq baqylaý organdarynyń ókilderi, solardyń qata­ryn­da Qazaqstan Respýblıkasy Konstıtýsııalyq Keńesiniń Tóraǵasy I.Rogov bastaǵan delegasııa da qatysýda. Bul mereıtoıǵa Reseı taraby erekshe mán berýde. Is-shara­lar­dyń ashylý rásimi 27 qazan kúni Máskeý Kremlinde ótip, sol jerde sheteldik delegasııalardy Reseı Fede­ra­sııasynyń Prezıdenti D.­A.Med­ve­dev qabyldady. Joǵary deńgeıdegi qabyl­daý­dan keıin, 28 qazan kúni Sankt-Pe­terbýrg qalasynda Kongrester saraıynda «Konstıtýsııalyq ba­qy­­laý: doktrınasy jáne prak­tı­kasy» atty halyqaralyq ǵylymı-prak­tı­kalyq konferensııa bas­tal­dy. On­yń maqsaty – ómirdiń bar­lyq sa­lasynda Konstıtýsııanyń ulyq­ty­ǵyn qamtamasyz etý, eldiń qol­da­nys­taǵy quqyǵy Negizgi Zańǵa sáı­kes bolýyna konstı­tý­sııa­lyq baqy­laý júrgizý máse­le­le­rin talqylaý, oń tájirıbe almasý, sondaı-aq kons­tıtýsııalyq ádilet organ­dary­nyń kópjaqty jáne ekijaqty formattarda odan ári yntymaqtasýy­nyń negizgi baǵyt­ta­ryn aıqyndaý. Konferensııa sheńberinde Kons­­tı­týsııalyq Keńestiń Tór­aǵa­sy I.Rogov «Qazaqstan Respýblı­ka­­syndaǵy konstıtýsııalyq baqy­laý: quqyqtyq memleket ornyq­ty­rý jaǵ­daıyndaǵy jaı-kúıi jáne da­mýy» taqyrybynda baıandama ja­sady. Bul baıandama Qazaq­stan­nyń memlekettik quqyq saıasatyn jú­ze­ge asyrý salasyndaǵy jetistikterin keń aýqymdy halyq­ara­lyq zań­gerler qoǵamdastyǵynyń nazaryna jetkizýge múmkindik berdi. О́z sózinde I.Rogov konstı­tý­sııalyq baqylaý álem memleket­te­riniń kópshiliginde qazirgi zamanǵy demokratııalyq qurylystyń ma­ńyz­dy atrıbýty bolyp taby­la­tynyn atap ótti. Ol bolmaıynsha qazirgi jaǵdaıda konstıtýsııalyq zańdylyqty, demek tutas alǵanda zańdylyqty saqtaý múmkin emes. Qazaqstan Respýblıkasynda kons­tıtýsııalyq baqylaý memlekettik bılik organdaryn ǵana emes, qo­ǵam­nyń árbir múshesin de quqyqqa boısunýǵa kóndire otyryp, ma­ńyz­dy aldyn alý sharasy bolyp taby­lady, dep habarlady Kons­tı­tý­sııalyq Keńestiń baspasóz qyz­meti.